今天還是下雨天，那天突然間想起一首歌，
下雨天總會想起一樣，聰明的瀏覽者應該會知道，
下雨會令到顧客不想行街，所以這天生意都係油麻地，
至於那件廢料，我繼續嘗試維修維修，但並不看好會成功維修，
這個是當時的感覺。講住咁多先..

今天鴻福堂d貨終於到啦，在舖面佈下鴻福堂陣，係唔係好正呢，
d客人經過都看到，等明天效果如何，
講完舖頭，又講返個客的垃圾機，
搬返部垃圾機給個客，個客問我咩事，我答佢係塊底板有問題，
一係有買個部機，一係就買塊底板整，個客決定左買塊底板，
佢又唔想咁貴，所以我幫個客買了塊二手底板，
幫個客砌返埋，諗住重新安過windows，點知部機隻hard disk有error，
雖然好長時間先可以搞得掂，於是又要搬左部垃圾機返家整，
好才以前在九記返工小馬留返左隻由阿sam做的超級format碟給我，
可以修復hard disk的error，於是長達十幾個小時的修復工作就開始啦
想問下半廢的cd-rom加唔足火的火牛加廢廢地的hard disk再加二手底板會等於咩呢？
答案明天先講，提示可以在九記中找到。聰明人實知我說什麼，

講住咁多先....

今天成日都落住大雨，成日都冇咩生意，
下午交返部機給個客人，試埋比個客人看，
客人話冇問題，我就離開啦，好野，件垃圾終於比返人啦，
到了晚上，個客人又話唔得，於是收舖上客人家裡看看，
重壞過之前，當時的心情就好似今天的天氣一樣，
帶返部機在家中又係咁整，最後查到bios出問題，
更新bios都有問題，我終於無何奈何講佢已經死亡啦，
明天先諗點樣解決返個客人知，明天先算。
食左一個星期龜靈膏，鼻敏感明顯少左，
個樣都冇咁殘，差不多又要去訂貨啦，
期待明天鴻福堂的貨來臨，講住咁多先.....

今天係父親節，首先祝各位父親，父親節快樂，
我與自己爸爸已經在星期六提早慶祝左，
原因星期六比較齊人d，二來我爸爸比較喜歡賽馬活動，
就係父親節加上賽馬日，所以生意特別差，
而我今天就遲左起床開舖，如果打工就叫做遲到，
做老闆就叫做遲開工，有時做老闆都有d好處，
成日都悠閒咁過，到收舖的兩個小時，
就差不多有大半日的生意額，做到半死，
收舖回家，還是對住客人的垃圾機，大陸電腦，
好辛苦先整返好，終於明天可以交貨啦。
好累好累，講住咁多先啦...

今天是星期六，是我的假期，但都要幫手開舖的工作，
以為可以悠悠閒在家中休息，開完舖回家後，看左一陣資料，
比埋個軟件給威少之後，
就開始有點兒眼瞓，於是瞓一瞓..這個真是一瞓，
部手提電話成日都有電話，瞓一瞓，醒一醒，
唔聽又唔係，聽又冇得瞓，如果係你會點揀呀，
真係無奈，最後的一個電話，竟然係電腦維修的電話，
想不到假期都要幫人整電腦，於是就去個客果度啦，
去度個客幫佢重新安過windows就可以，
想不到佢咩碟都冇，上又上唔到網，搞到要成部機抬返屋企整，
諗住快手快腳整埋佢，點知屋企人又話要提早慶祝父親節，
要一家人出去食飯，搞一搞到又到晚上，
突然間個客的電腦又壞左，又要重新整過，
現在已經係夜深，電腦還未整完，要努力d先得啦。
講住咁多先..