對上的星期，日日都非常忙碌，
搞到連日誌都無時間寫，
對上的星期大致發生的事有：
幫威爺整機、為紙皮會發狂的老婆婆、
人人齊來賣紙皮，其他都無咩特別，
而今天我就約左皓爺一齊去看功夫熊貓，
原本諗住返去九記一齊出發，點知自己舖頭有d事，
搞到十一點半先走得，所以最後都係要各自去指定的地點等，
去到新世紀，發覺有一場一點零五分的那場未開始，
而皓爺幫了九記半日，有點倦意，所此近近地就係新世紀看，
雖然個院細左d，但係都唔覺得個熒幕太近，
開始的時候，我就開始笑，因為套戲一開始就一種特別的手法來開始，
d對白又好笑，d動作效果夠晒直接，唔駛點解去思考就已經知道個笑處，
整套戲真係無看錯，最後也表達了一個訊息，
訊息就係凡事都要對自己有信心，事情就可以事半功倍，
看完就陪返皓爺去攞入場卷，之後就各自返家啦，
接着就在家中休息一下...講住咁多先... |
