又返黎啦~...真係唔知講咩好~
不過成日都聽到有好多美女都話,買呢樣冇錢,個樣冇錢....
(重點係佢份人工都唔低)
講下我自己平時點樣洗錢先~~~
呢個習慣係我遇到一個呃晒我錢而遇到以家個男朋友既教我既一套理論
首先,你理財要同你減肥既耐力同恆心一樣,如果你認為自己係忍唔到口,忍唔到手~你可以睇我呢篇笑完就算...
因為你唔信,做完都唔會有效果。
每個月出糧,身為白羊女既我~真係好想去獎勵下自己,食一餐好既~買一件名牌俾自己...(都係用自己1/5人工姐)
但係我冇咁做到...因為你食一餐好既....你好開心~然後發現自己肥3-4LBS...你就會好唔開心,咁不如望梅止慾望,影下相~仲開心~
同埋學我男人話:MK袋係袋,LV袋係袋...如果你既資產可以升值,你咪買囉...如果佢只會不斷貶值,點解你唔買個CHEAP CHEAP黎符合你個需求?(重點平野你可以爛左換款*v*)
***人地上流社會用名牌係因為佢地時時刻刻都要靠人脈搵生意...你未去到中產,追名牌只會令你資產暴跌....
出糧之日,好多都係還錢之時....好可惜..唔知點解有d還款日都係正月中....所以男人教落
出糧前做定budget,例如: (好其求咁做....)
起碼自己知有幾多錢可以洗...
通常一出糧交家用,交車費(即係一次過入八八窿一個月車資),儲埋錢(個戶口我同男人聯名,卡係佢到就唔怕手多多禁錢~)
MPF我另外做左自由痕PLAN,,,但可惜佢月中先截數~LOAN又係...所以我禁左CASH 出黎入舊利是封,AUTO PAY轉數前一日先入返A/C...
唔怕自己冇錢還~
***你唔知自己有幾多可動用資金,只會借數疊數...或者買埋晒D,一時興起既垃圾。
拍拖男人最欣賞有女人肯同佢AA制~好多人都冇所謂...但男人又唔鐘意食一餐飯計返自己個個餐, 又怕自己餐餐俾DINNER會蝕底...
所以我男人一開始就同我講,每個月大家俾一個數(我地其實$1000已經玩成個月...因為唔係成日見到)...每次出街拎個家用袋去拍拖...
食飯,睇戲,曳曳就用袋仔D錢...唔洗煩邊個俾多邊個俾少...不過我都好乖做返STATEMENT,計住大家洗幾多...如果個個月用多左,就檢討下係咪有D活動可以避免或者玩少D,搵D平價時段去~
***我見好多女朋友都會同男朋友AA制,不過大男人主義令到佢地覺得食得平又驚女仔唔鐘意,食得貴又要男既俾得多...呢個方法除左公平公開公正...仲令大家既關係唔洗下下為錢嘈。
我都好鐘意化妝扮靚~護膚品個d一定唔少得...
但有時真係唔知好唔好用同貴....我就好鐘意去彩豐行買護膚野,佢d野唔貴之餘...又岩我用....重點係佢有sample送...(我成日去都會問sample~~ :p慳得就慳)順帶一提~佢個12杯水系列真係冇得頂...
仲有有時去JUSCO LIVING PLAZA買化妝品...mascara, 光/陰影粉...粉底餅都好好...
等暑假就會捉細佬,表妹個d用學生證去sasa買野,,,有折~~ 不過我用maybeline就會去萬記有特價加75折買...比正價可以平成$20~$40
***拎sample 除左心理上覺得佢抵之外,去旅行既時候sample係最方便,同大派用場~~~
下次再講下點解會有咁既習慣出現~_~唉~
|
