尋日出左街。。。

1:30 pm 出門口 搭3D去慈雲山

和丁丁碰面後，去食m記。其實我去慈雲山的目的只有一個，就是食m記。

因為m記出了shake shake薯條，有我喜歡的椒鹽味，所以一定要去試下。

我叫左9號餐，加大，可樂走冰；丁丁就要左一個士多啤梨味既新地。

坐到兩點幾先走。之後就去何魚屋企(呢個行動計劃左1個禮拜)。

慢慢行落去富山村，好大風，好凍呀`!

行行行，我果然是路痴，無可置疑，又一次帶錯路。

幾經辛苦，終于去到何魚屋企。何魚煮撈面俾我同丁丁食，不過大部分都係我搞。

食完無洗碗bor,,呵呵!~~

{{{陰謀}}}

丁丁因為呢排都無得玩電腦，所以一來到就痴住台電腦。

我同何魚想玩Uno，不過兩個人太少啦，唔好玩!~

所以我地係出面斷左條上網線，令到丁丁玩唔到電腦，就會被逼出來玩Uno。

因為有線成日都斷線，所以呢一次惡搞，並不出奇。

陰謀的真相丁丁仲未知道.........

陰謀之後，我全程玩NDS，好無聊。

丁丁同何魚就係入面睇"歌舞青春".........

6點，何魚媽回來。我地都走啦。

一出到去，只有一個字可以形容，凍。

[本來fiona都話來嫁，不過後來佢要睇醫生，所以無到，保重身體呀fiona。]

Ps: 因為尋日食m記，所以喉嚨好痛。
     因為尋日著唔夠衫，所以感冒了。