時間：十年前•地點：青山公路•人物：阿華
早年哥哥加入警隊，他自小已經有陰陽眼。他有時會說眼睛很累，有一重黑影遮了他的視線。
有次他跟媽去街市，他又突然叫媽不要碰柱：「柱前面有個人，媽你看不看到？」
有次大埔屋村大火，他奉命到火災現場支援。有個傷者被抬出來，是屋主的老婆，因為救得早，燒傷得不太重。不過屋主大哭：「我九代單傳的兒子，還在裡面，他只有六歲，怎麼辦？」但是消防員卻找不到人。
在火撲熄後大約半個小時，部分消防員仍在現場尋找那小孩。哥正打算走時，竟然見到有個女人擋在馬路中心。女人頭髮仍然濕，哥懷疑她是偷渡客，問她要身分證。女人竟然說：「我剛來這裡，沒有證件。」哥打無線電給警局，又問了女人的地址，她所說的地址竟然是剛才發生火災的村屋。哥嚇了一跳。女人又對哥說：「你可以幫我找回我的孩子嗎？我找不到他，請你帶我回家……」
哥很害怕，立刻奔回火災現場，竟然聽見其中一個女屋主在送院期間已經斷氣。火燭現場發現了小孩的焦屍。
之後，哥不斷做惡夢，夢見有個女人拖著小孩子在玩火。這個夢重複了三、四次。
李終貴按：你大佬遇見�H鬼，唔係窮兇極惡。終貴細個時，聽過一個故事。
有個有錢佬娶咗個妾侍，有錢佬成日唔喺屋企，點知個妾侍發現有咗。有錢佬老婆猛向佢老公話，個細路可能唔係佢。有錢佬以為真係戴綠帽，就唔多理個妾侍，由得個大婆虐待個妾侍。
有日有錢佬出門返屋企，個大婆同佢講，妾侍自殺死咗。後來個大婆突然有ＢＢ，有錢佬好開心，不過個ＢＢ出世之後成日喊，醫生都搵唔出原因。
有日，大婆同個有錢佬講：「唔知點解，我成日聽見ＢＢ同人講嘢。」第二日，有錢佬半夜經過ＢＢ間房，的而且確聽到ＢＢ有笑聲。入到去房，ＢＢ望住窗口向樓下笑。
有錢佬開始驚，搵咗個法師嚟睇間屋，法師話：「你間屋好大怨氣。如果唔係租人地方，快啲搬。」間屋係有錢佬祖業，佢唔多願走，而且覺得隻鬼都冇搞出大單嘢，所以冇搬走。
點知過咗兩日，大婆開始覺得肚痛。醫生話佢食物中毒，點解會咁？
後來有晚，有錢佬半夜醒咗唔見老婆。佢行經廚房，竟然見大婆同一個陌生細路一齊，佢行近老婆身邊，想問點解會有個細路。點知大婆擰轉頭，竟然見佢滿口鮮血，地下有一堆死雞，佢竟然喺度食生雞。細路走去有錢佬身邊，叫佢：「阿爸！阿爸，同我玩。」
有錢佬嚇到大叫。事後又去搵法師救命，法師話：「你而家先搵我，太遲喇，你老婆畀鬼迷，過唔到今年。呢啲都係報應。事關你老婆虐待對方，對方怨氣太深，你準備同佢做身後事。」大婆真係喺呢年年底過身，不過佢死得好辛苦，因為有皮膚菌，所以全身都係瘡，又生癬，幾乎冇一撻好肉。
