想死.............

係咁多

wa~~~幾經辛苦 終於睇完套卡通lo

雖然唔係真係好辛苦= =

其實套野我之前都睇過幾次 可能係悶得滯所以先搵返套野黎睇掛

睇完之後先發現 原來之前睇o個時冇睇好多野

算la~~都係一套卡通姐 唔洗太在意

最近成日都比屋企人煩 煩到而家勁唔開心lo

我知我有寒背 但係次次出街都係咁禁我膀頭 勁討厭lo

成日係度話咁樣會識唔到女仔wo 不嬲都冇人要嫁la 未有佢lo

就算有又點 過一陣都唔會理我嫁la 我寧願唔要

未曾開心過 未唔會有傷心lo

如果冇當初既話 而家就唔會傷心

雖然我唔覺得同佢開始係錯 但我已經唔想再嘗試呢種感覺

我諗 我應該唔會再同人一齊

呢個心結 冇人解得開掛 除左佢

已經唔太知自己講乜 算la

而家係度睇緊「ID精英」

岩岩做到一個女人中意佢個教師

突然之間諗起佢 覺得自己好冇用

我幫唔到佢忘記o個個人 係我冇用

希望有人可以幫佢忘記到la 最好o個個人係我 雖然都冇乜可能

就算唔得既 希望佢唔好變到電視劇o個個女人咁 好驚會變成咁

而家既我 乜事都做唔到 乜野都保護唔到 只能祈求上天可以保護到佢

冇用的我!

時間一分一秒咁過去 分開既日子一天一天咁增加

希望會有嗎? 好多朋友都話唔好再晒時間

日子每過一天 希望就減少一些

相距分開既日子 都就有三個月

其實早已知道都冇可能la

但其實點解我要咁蠢去等呢? 我都唔知

等~~寂寞到夜深

總之我所作所為就係蠢 但我寧願蠢落去

害怕有終一日會失去等既意義

算la 最多我都係會認自己係蠢姐

--------------------------------------------------------

好~~~係時候講返d少許開心既事

今日差唔多成日 都去左迪士尼度玩

同埋成班親戚去玩

原來呢 迪士尼有好多索女嫁

唉!!但係又點ar 我都係望左一兩眼就冇望

總係覺得過唔到自己o個關 仲有好似個個都睇唔上眼咁 可能係因為某個原因la

今日玩o個個咖啡杯 表弟表妹佢地癲嫁 轉得勁快 而家仲有少少暈暈地 (其實當中轉得最癲係我=x=)

成日都落雨 好麻煩

到左7點幾我自己一個就走左先 因為要同屋企人一齊食晚餐

搭地鐵去到中環 去左o個間叫「吉壽」度食日式放題

d野食都幾好味下 不過我家姐係度係咁話呢樣超好味o個樣勁好味咁= =

搞到我超無奈=x=

唉 佢都唔夠我ar媽勁= =

係食日式放題o個時 佢係咁叫我食多d野 係度話唔好蝕

又話唔好食壽司 話好易飽 好蝕

每位$14x 對食得多野既人黎講都唔算太貴

之後就諗住搭地鐵去九龍度拎返架私家車返屋企la

到左呢度真係超爆極度強= =

佢竟然去買野食/.\ (記住係岩岩食完放題的)

岩岩又係度叫我地食多d 我地就問佢做乜仲買野食

佢係度話「買3送3 ma 抵ar」

當場囧晒

之後就覺得 ar媽佢真係好鬼似花師奶/.\

到左拎車o個度我地就問佢「洗唔洗等多3個鐘先走 唔係蝕嫁wo(因為有6小時免費泊車)」

超型 比佢買野o個個動作完全囧晒

無言到爆~~~~

簡直同花師奶貪小便宜既行為一樣= =無奈

訓 而家仲暈緊

PS 太暈 可能會有少少唔明 聽日先改過

原來每次一到左夜晚,心情真係抑制唔住

係好耐之前其實我都知我會係咁,唔知係唔係患左d咩病呢

突然,好掛住佢,咁又點ar,都已經冇可能,我明白我自己浪費緊光陰

但我的確係唔想放棄,或許係放棄唔到la

之前對佢又唔好,又做錯好多野,真係極對唔住佢

每次拎起電話都好想去打比佢,不過之前又係衰衝動,話左唔再搵佢

而家連一d勇氣都提唔起,愛人又點ar,怪就要怪自己係擁有o個時唔識去珍惜la

其實係之前,我都還有少少奢望佢可能會理返我

但而家,就算我想同佢分享一d好笑既野,佢都係應左我一句冇興趣

我......係好耐之前寫左2封信,同買左小小禮物,本來想係同佢見面o個時比佢

但係最終都係送唔到,之後諗住唔緊要,想送到去佢郵箱,不過真係唔想佢討厭我更加深入

最終都係存放左係屋企

我真係好想有終一日可以送到比佢,不過我諗都係冇可能嫁la

今日,又係因為我既說話令到一個朋友唔開心

最後我覺得,我唔應該再講咁多野,以免講多錯多,哈

如果可以既話,我想所有所有事都冇發生過

我寧願冇識過佢,我寧願冇愛過佢,我諗會開心好多好多

或許其他人會覺得我呢一種方法係逃避問題la,但我真係做唔返我自己

雖然係咁,但我唔會覺得我識到佢係一件錯事

因為同佢一齊真係好開心好開心

剎那光輝,會永遠留在心底回味

雖然唔可能永遠保存當時既喜悅,還會有點感觸

但我會好好咁珍惜當時既每一刻

即使被人話我蠢,鈍,傻,笨都好

但我真係想去保留每一刻

落雨la,同我既諗法一樣,真係極度傷心

喜怒哀樂,我諗我而家得返一半掛

我明白,愛一個人唔一定要得到佢,佢幸福就可以了

可能,我唔係佢身邊就係佢最大既幸福la

但,真係好掛心,驚佢有事,我可以點做?

哈,盡量抑制住la,都冇辦法lu

如果死左幾好呢

都到2點幾lu,隻眼都乾晒,我諗要比隻眼好好咁休息下

今日,考埋最後既中文口試

返到學校,就好似平時一樣,準時到不得了~.~

第1part,讀o個篇野,未入到試場都讀得ok好下

一入到去,見到個炒芥蘭,個心不斷係度講~~~仆街了= =

唉,仲要一開始滯左勁耐,勁多回讀,+上炒芥蘭考,唔方高份得去邊la

到小組討論o個度,個題目係「學生應該以升學為人生目標」

我就揀左唔同意la,人生目標得升學,咁算得上咩人生目標

個題目改左做「學生應該以升學為目標」既話我就會去贊同既

唉,講完之後,個死人炒芥蘭好似明針對我咁

個個人唔話,淨係話我,冇野講lo

真係好想同佢理論,唉~~又有乜用ar

最後一定未又係擺出老師既權力

比佢吹漲=x=

              (↑吹氣孔xd)

講返呢條問題都有d感觸

之前我既人生目標就係要同佢永遠一齊(雖然e+都係xd)

可能因為咁既關係,今次既小組討論特別多野講掛

今日返學o個時,個天黑到爆,同我既心情一樣

我諗今晚會落雨,可能o個時會係我流淚既時候掛