今日我晨早死過出元朗食早餐,之後死左去搭巴士,架巴士死左去黃大仙,黃大仙地鐵死左去鑽石山地鐵站,之後我死去荷里活廣場(唔係荷里活既廣場,係鑽石山既荷里活廣場),之後我死左去個高達展,這對我絕對係好事。一入到去我瘋狂影相,係度喪影,起馬影成6十7十張。影完之後(其實未影完,只係影機冇電又難影),死左去買模型,果度個打仗一樣,成個地方車水馬龍,人山人海,我幾經辛苦,打死幾個人,踢飛數個人,終於買到,洗成$700,買到兩件有潛力既模型,乜都睇晒之後返元朗,成身攰到爆。
得閒既話我post d相上黎

今日都冇咩特別,同平時一樣....同平時一樣無聊,一樣吊兒郎當,一樣百無聊賴....
聽日去鑽石山高達展(發達囉!!!)
希望睇到好多屋樓御姊喔!!!

今日唔知醒, 一起身飛身出去補習,補完英文補理科,知後呀sir話重要補番一堂(傻既!閃!)
之後打左陣機就番屋企,諗住番到去可以睇動畫,點知個妹霸左部機成日= =

唔都聽日去高達展好定後日去好?

今日唔洗補習,一朝早出左去睇阿森一旅,成套野都好爆笑(推介!)
睇完番屋企睇龍珠GT,終於睇完啦,個結局我覺得好傷感,唔知係因為小芳對悟空既親情令我傷感定係悟空成為地球守護神令我傷感?
我更加唔知自己幾時變得咁感性= =
夜晚呀媽叫我去睇5星級大便(真名:5星級大鼠),又係笑足成場。

今朝去左補習,呀sir教左d收數既數學,原來做貴里佬都起馬要讀到中學= =(想做收數佬都唔得)
之後去網吧見到嚴蛇9,佢打成3個鐘(凸爆眼!)
番到屋企研究點去鑽石山荷里活廣場,真係好煩,又要搭e樣又要搭果樣....
聽日唔洗補習,我諗我應該會去睇呀森,但係呀森好似2A,唔知個賣非既會唔會當我係細路呢