尋日唔知點解唔記得打blog,所以今日打番。
今日好早起身番學,去到學校門口等左幾分鐘先入得場,一上到課室做art,我畫極都畫唔番以前既水準orz,好失敗。
8堂好快完晒,咁就去打機,之後補習。
補完番屋企食反,食完就上黎打blog lu

今日好早比人叫醒,因為我又要去拜山。
換好杉就出去食早餐,食完搭車去新田,去度d人已經整得7788,我就同個fd係度吹水,吹到咁上下就拜一拜祖先。
所有人拜齊晒就番我個村食燒肉,呢排食燒肉食到傻,有d唔係幾想食。食完番屋企屙舊果,屙完諗住出黎打機,點知比人捉左去馬鞍山,去度食個3點3就去呀伯度,個堂弟要做功課於是我就打機,全程都冇講粗口,真係好彩。打機都差唔多時間去食晚反,於是行去茶樓。
個晚餐食左超多野,個肚凸晒出黎,我要抱住個肚坐車番屋企,番到玩一陣就洗白白訓教。

今日午晏去中旅整回鄉証,我頂佢個肺,d效率慢到pk,填完張表格等成半個鐘先搞到,果個呀姐都唔知我既時間有幾保貴,我秒秒鐘幾十萬上落,佢竟然係度阻頭阻勢...
做完都1點幾,走去食個反就番屋企。
6點左右就去呀婆度食反,食完食啫喱糖,睇埋全美一叮就拍拍羅柚走人

今日放假，實在太好了！
今日９點幾起身，打陣機，１１點就去拜山，其實我都冇咩點做野，只係同ｄ堂姊弟吹水。拜拜下，山既另一邊有山火，燒左成個幾鐘先燒到黎，我地先慢慢走．．
番到去同佢地打雀，愈玩愈悶，玩到後黎就去打機。６點就出街食反，食完就番屋企．．．

今日係星期四,實在太開心啦,因為聽日重陽,唔洗番!最重要係可以放3日假XD
完日都係為左等放學既來臨,完全忘記老師既存在..
放學去打機,大敗orz......
之後同矗矗番元朗,佢就去剪發,我就係補習社呆坐半個鐘...
上完英文去食反,食左幾個鐘就番屋企
打到咁多,因為我要享受我呢個假期