今日本身可以訓晏d,但係好早老豆就知我出去食早餐之後拜山,有早餐食我緊係跳起身啦!
出到元朗就去我地咁多年都去既茶餐廳,食番個靚早餐,食食下有個呀叔借左本"龍狼傳"比我睇,一路行就一路睇,佢地買完d野我就岩岩好睇晒,本野唔差,不過講到高潮就完左冇得睇==
買好野就番屋企攞齊d野去後山。只係一年冇去,後山d草就多到仆街,搞到我地用左好耐先搵到條路= =,去到清草拜神,如此做左3個地方,搞到3點幾終於做晒!於是番本村書房食燒豬,鴨,鵝,雞。
食完沖涼打機,6點半就去食盆菜。食完番屋企休息!

今日我好早起身屙尿== ,屙完就玩一個用腦既遊戲 ─ 踩地雷
一宜都有好多人認為佢係一個低b遊戲,其實佢唔係,佢只係一個好用腦既遊戲!
玩左陣就比人捉左出街食早餐,之後就去屯門"清松觀"(精蟲觀)拜山。
我呀婆一路同佢死左既媽媽講野,咩咩身體健康,快高長大,年年考試為第一,考試第一為"葬"元....等等。
一講都到左幾耐下,搞搞下就走lu,我地番元朗飲茶,之後去商會中學聽野。
聽日都4點幾,諗住同kai b去網吧打一陣,點知好多間都冇,搵左好耐先搵到。
打完搵地方放水之後搵老媽,去左睇買咩電視,之後就食反,好快食完就番屋企!

今日星期五,呢個星期五重要係特別開心!因為放3日假^^
全日有上堂等於冇上,因為我完全諗住放假。
lunch time,比堅尼請我食反,我本身好感動,因為我覺得佢會對識佢咁多年絕對比識佢3年既人好,點知佢竟然比左$20冇反食果個(肥熙),搞到我完全想郁佢!
好快就放學,我地去打機,之後就番屋企沖涼換杉出馬鞍山食晚反。
一開頭反左隻大閘蟹,之後打bin lo,打打下都打到11點,食飽飽就番屋企訓教

今日係好神聖既星期四,呢一日係一日我好期待既日子,不過我更期待星期五,因為可以放假^^
今日都幾無聊,中午無啦啦比人畫左幾野面,真係發神經架,我即刻整甩佢。
好快放學,放學去打機,之後去補習。今日呀sir唔得閒,叫左個新miss黎,個miss有少少肥,樣唔算太差,最可怕係佢果對奶王包!
佢一路係度吸引我,好在我夠定力,冇理到,照樣上堂。
落左堂去搭車,差少少冇位坐,番到去就食反,之後就上黎玩電腦

今日都唔想打日記,但係某位叫我"屎忽"既人兄叫到,我唔打唔得!
今日做番平時既野,就係"番學等放學!放學飲可樂!"
放左學去買4gb卡之後補習,我地係最早到,所以好快走左。
番到屋企,入到房竟然睇到我部腦off左,一定又係個呀媽off,有冇搞錯架,我dl緊動畫架,阻頭阻勢,搞到我又睇唔到!如果佢聽日又同我off左佢既話,我實罵佢!
唔off都off左,呢家只好慢慢等佢dl啦....orz