今日訓下訓下聽日ｍｓｎ響，原來係有人用緊ｍ群，我睇一睇就冇理佢地，訓多陣∼∼∼
冇幾耐就起身，一起身就有人叫我去食早餐，咁就換杉ｌｕ∼∼
落左去睇到電影做緊賭神（我至愛），於是係度睇左十分鐘先去食早餐。
早餐依舊係"痴"飯，同上年，上上年，上上上年，上上上上年都係一樣，因為今日係最後一日拜山。
食左個"痴"飯,飲左杯豆漿,就搭旅遊巴去天水圍進行第一個地點拜山。因為好多人做,所以我只係係度等。
走果時個fd叫我一齊搬燒豬,於曷就由山頭搬到山腳。雖然幾近,不過隻燒豬都係幾重下,搬到幾攰。
搬好晒d野就搭車去龍古灘,搭中中途訓左陣,一起身又去拜過。今日大人用剪草機剪晒d草,我都唔洗做。
做完拜左個祖先就食燒豬!食完就拜返元朗最後一個,呢個係市中心,所以我都只係拜,乜都唔洗做!
拜完本身搭車返屋企,點知老母話要去買行山用既野,所以我都要跟埋去,除左我同老母重有d親戚都去,於是就同個表姊傾下計。
去左行山店,我借左部手機比表姊,我就去左試呢樣試果樣,面個表姊就用我部機影佢自己= =,都唔知點解咁鐘意影自己。
搞左好耐終於搞晒,找數果度真係吓我一跳@@,原來行山店都有得做架喎!
之後去茶餐廳飲番杯茶,食番個包!之後我就番屋企,唔同表姊佢地行街!
番到去冇幾耐,表姊佢都去番左黎,佢提議打麻雀,於是4個傻仔就坐係度打麻雀= =
打左陣就出去食盆,又係盆,我真係食到想死......
食完佢地就走,我都要溫書.... |
