各位聖誕快樂 Ｍｅｒｒｙ Ｃｈｒｉｓｔｍａｓ！！！！！！！
雖然遲左少少講 但我諗大家都唔介意既∼呵呵∼特別同我既一班好朋友講啦∼
－－－－－－－－－－－－－－－－－－－－－－－－－－－－－－－－－－－－－－
２６－１２－２００７
今日終於有ｄ野玩啦 就係約左佢地出去唱ｋ啦 期待左真係好耐嫁啦－ －
「我 呀忠 呀鵬 周榮
呀湘 呀茵 ｌａｎｃｈｉ」
－－－－－－－－－－－－－－－－－－－－－－－－－－－－－－－－－－－－－－
２５－１２－２００７
休息
－－－－－－－－－－－－－－－－－－－－－－－－－－－－－－－－－－－－－－
２４－１２－２００７
平安夜 勁慘囉 竟然約咁多人都出唔成去玩 不過去左睇劉德華演唱會
正正正正正正正正正正正正正正正正正正正正正正正正正正正正正正正正正正正！
已經唔知講咩好 真係只能用正黎形容 呵呵 番到家超累 Ｚｚｚ．．．．．
－－－－－－－－－－－－－－－－－－－－－－－－－－－－－－－－－－－－－－
２３－１２－２００７
琴晚比呀鵬激到我好嬲ｓｏ好夜先訓到 但好在有私人秘書叫我起身
ｓｏ今日好成功咁番到祈禱會 呵呵 今日呀忠都一齊番祈禱會 番到去
見仲有少少時間 食個早餐先 之後祈禱會 同Ｂｏｗｉｅ媽一組喎
祈完禱之後就可以出去邀請人番福音主日啦 ｓｏ就出左去 派派派
派完上番教會 撞到頌婷 就無啦啦同佢傾起琴晚呀鵬件事啦 傾傾傾
傾到咁上下 打電話比一早約左既呀甘同溢恆 佢兩個今日都肯番 哈哈
之後就帶佢兩個番啦 我同ｖｉｃｔｏｒ夾著佢地坐 希望盡量幫到佢地啦
但係聽果陣－ －我自己都無咩心聽添 但係估唔到溢恆就好用心咁聽喎
仲話時間過得好快．．．有ｄ慚愧添 之後完左就睇班小朋友入黎唱歌啦
之後就開始愛宴啦 呀忠拎ｄ餐具出來 之後就開始食野啦 炒飯同乾燒依面
永遠呢兩樣都最好味的 但係食左早餐－ －好快就食飽左 之後就周圍傾下計咁
傾傾下 見到溢恆佢同許生果ｄ都傾到幾多野 我諗應該對佢信有幫助既
以後可以繼續叫佢番 但係呀甘就要走先 真係可惜啦 番學之後要叫佢番先
咁完左之後 我地就執野啦 跟著４點－６點就去荃灣果度打波 羽毛球真係超好玩
雖然乒乓球都好玩 不過我真係鐘意打羽毛球多ｄ 唔係驚隻手又整親就仲好玩
之後打到咁上下 約左呀杰拎番ｄ碟 要練歌呢 哈哈 點知個死傻仔＝ ＝
靜係拎番我果隻比我．．．算 練到我自己果首ｉｓ ｏｋ呢 其他人唔理啦
之後就周圍行左陣 佢地又去突破買禮物 我之前買左ｌｕ 不過都行下睇下咁
跟著係荃灣一間叫「雲南米線」的東西吃完野就番家 番到家 玩左陣ｍｓｎ
唉 無啦啦多左個新問題添 唔知點做好 哈哈 唔理啦 Ｚｚｚ．．．．．
－－－－－－－－－－－－－－－－－－－－－－－－－－－－－－－－－－－－－－
２２－１２－２００７
本身訓左係地下的 但係係睡夢中忍忍約約聽到何Ｂ果ｄ話走先 ｓｏ即刻訓上梳化
之後訓到九點幾 全部都起晒身啦 咁就得番好少人 咁我梳個洗之後
就番教會啦 要番佈道小組 真係好累下＝３＝不過照去啦 同呀湘一組
主要都係派傳單既多 唔知點解撞到既都係一ｄ一早信主ｏｒ好抗拒的
之後派左好多福音主日傳單 跟著番上去啦 之後買野食 食完野 執野
慢慢咁多人番啦 之後就好似平時咁開始團契啦 今日係聽兩位由外來的團友
分享佢ｄ係香港以外地方短宣的過程 不過真係累到呀媽都唔認得－ －訓左
差唔多咩都聽唔到 之後完左啦 就執崇拜場 執完 本來無咩做的
點知無啦啦老野話教我地玩個ｃａｒｄ ｇａｍｅ 哈哈 真係幾好玩
之後話要有懲罰 １００分就輸啦 勁驚囉開頭 兩局我都最高分＞＜”
之後無啦啦３ｘ分果陣 連續４局０分 呵呵 最後緊係唔會輸啦我
最後係呀忠輸左 罰佢聽日愛宴果陣幫我地咁多個拎晒餐具 太弱啦佢
之後玩完就番家啦 番到家 無咩做 ｈｅａｈｅａ下咁 玩下ｍｓｎ
之後吳果鵬激嬲我囉 都唔知佢咩構造 咁既野都講得出 仲要話唔想嘈
同大佬彩君訴了苦後 便乖乖的去睡覺 希望明天會是好的一天啦！！！！
－－－－－－－－－－－－－－－－－－－－－－－－－－－－－－－－－－－－－－
２１－１２－２００７
今日係學校既聖誕崇拜入面 超級感恩啦 兩場話劇既反應都十分之好呀
特別係高ｆｏｒｍ演果場 迪哥的人氣超強 比佢搶晒風頭啦 勁人唔同Ｄ
不過成個過程好順利啦 排戲既時候雖然ｄ人有ｄ ｈｅａ 玩玩下咁
有時仲晒左好多時間 好多時又唔齊人 而且排舞果到仲遇到相當既困難
但係所有問題去到最後都唔成問題 所有問題都好似有主既帶領咁 ＾＾
真係好開心可以同一班同學係中學時期留下一個咁難忘既回憶 勁開心
係到都同各位有份一齊演出既同學講聲多謝 多謝你地肯參與呢個演出呀
不過有ｄ損失既係 我同嘉文呀森果ｄ參加唔到６Ｂ班的聖誕派對
上到去既時候 雖然食物係仲有好多 但係都無咩時間啦 無咩氣氛
可能因為唔齊人ｓｏ玩唔到咩集體遊戲啦 希望有機會再成班一齊玩
不過最後Ａｎｇｅｌ ａｎｄ Ｍａｓｔｅｒ既遊戲終於都要講出真相啦
估唔到我的Ａｎｇｅｌ係佛強－ －佢都唔做野既 正一衰Ａｎｇｅｌ 哼哼
不過我自己都唔算好＾＾”寫左果一兩張比靚靚 不過佢比我份禮物幾靚嫁
我都幾鐘意 ｔｈｘ靚靚啦 之後完左ｐａｒｔｙ 落ｃａｎｔｅｅｎ
同話劇果班人影大合照 之後就好趕急諗著有ｄ人番家換衫買野
諗著要係外面買野入去坪洲燒野食啦 點知 有ｄ人實在太慢啦
同埋真係太急 買唔切 因為想搭２點７船 唔想太遲入到去啦
所以最後ｈｅａｈｅａ下決定左入到坪洲先買 咁之後就係車站等齊人啦
死夾森差ｄ遲到－ －真無時間觀念 之後就成班人一齊入去坪洲啦
可能真係太耐無係呢個時間望下坪洲係一個點既地方啦 搭船果陣睇下
原來坪洲真係一個好靚既地方 儘管交通是不方面 島上設施係少
但係點都唔可以推番佢真係一個好靚既地方呢句說話 我諗無人會唔同意
之後入到去啦 有ｄ人會通宵既 就叫佢地上我家到放低ｄ野先啦
咁唔通宵既 就叫佢地去買著野燒先啦 點知超級ｓｏｒｒｙ購物組的＞＜”
因為通宵組一上左我家 就即刻拎晒ｄ野出黎玩－ －又唱ｋ又打機又玩琴
之後購物組的蚊２姐打上我家發脾氣 之後我只好制止晒大家既活動
快快落去搵佢地啦 點知原來要係坪洲買ＢＢＱ的食物係一個好難既任務
搵行左勁耐勁耐 之後就決定都係夠其買ｄ雞翼同丸去燒下就算啦 決定左
下次點都唔係坪洲買野燒 因為＄＄包會受重傷呢 不過燒果陣都幾開心既
好耐都無同一班人坐埋一齊傾下計 唔駛諗學業 放低晒一切 自從中六之後
已經無試過咁放鬆ｌｕ 今日真的把壓力大大減少了 真的超超超開心呢
燒燒下 燒到差唔多晚上啦（其實差唔多５點先燒得成）之後載邱立文踩單車
超攪笑 差唔多出到去 見到陳寶玲 搶埋佢架車去ｔｏｌｉｅｔ 哈哈
要佢自己一個行番燒烤場 某人見到都唔好嬲呀＾＾”””””不過之後去完ｔｏｌｉｅｔ
番到去 唔記得無啦啦點解會車埋陳寶玲周圍踩啦 之後同佢傾下心事咁
踩左成個坪洲一轉 傾左都好多野 之後坐左係燒烤場附近果個海ｄ可到傾
咁樣傾計果種感覺好唔錯呢 仲睇左幾個傻仔跑來跑去 玩得好開心
帶到佢地入黎果度玩 令到佢地咁開心 我自己睇到都覺得好開心呢 哈哈
希望同陳寶玲講既野真係幫到佢就係啦＾＾之後有部份人就搭七點九船走人啦
之後有ｄ本身話走既 無啦啦又話想留埋過夜喎 哈哈 無啦啦咁多人
都唔知開心好定唔開心好添 因為連訓都唔夠位訓啦 但係難得一班人玩
又應該開心既 咁之後同幾個去左ｗｅｌｃｏｍｅ買ｄ簡單既日用品
路上就同ｖｉｃｔｏｒ一齊同溢恆傾下信仰既問題 講左好耐都好似無咩用咁
不過希望籍著帶佢番福音主日同平日既團契會幫到佢啦 之後上到去我家啦
成晚係玩得勁熱鬧囉 我間房係永遠有幾個「機仔」霸左的 之後電腦房比蚊２姐獨佔
之後廳就不斷有人打麻雀跟隊 有人唱ｋ 唱唱下就比人投訴啦 ｓｏ要轉睇戲
就咁樣去到兩點幾左右 我地就成班落街行下啦 見到ｄ唔應該見既野 當無事啦
之後行行行 一齊傾計 呢種感覺真的好好嫁 感到朋友真的是很實在的東西
不過咁夜行 有時會見到ｄ野以為係鬼鬼之類的東西＞＜嚇到我勁驚囉
之後３點幾就坐左係坪麗園果邊個涼亭到傾計 傾傾下 大家都累了 諗著再行
都行唔到啦 因為太累 ｓｏ最後大家都係決定左番我的家睡覺了 明早還要早起
因為要番佈道小組呢!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! |
