悶

今晚勁悶

ｄ人好似死晒咁

打去又訓左

有ｄ又唔ｏｎ

攪到成晚都無咩同人傾計

最衰又訓左晏覺無咁快訓到

唱ｋ果日玩得太顛

攪到第日番唔到學

之後係家諗左好多野

我係明知有人唔鐘意先唔番

因為唔想佢再理我

今日佢就真係再無理我

好似果晚佢講既咁

心係有ｄ痛　但都係好事

起碼唔會亂諗ｄ無謂野

可以好安心咁去等

「你是一個大傻仔」

無錯我係一個傻仔呀

「但都唔傻得幾耐」

我話你知我可以傻好耐嫁

我都唔知自己會傻到幾耐

傻得快樂都唔錯呀

打到呢度我好清楚自己既心

好似好耐都無咁清醒咁＾＾

希望主保守我既心

唔好比咁多野入侵！

仲有一個月就好多學校ｅｘａｍ啦

希望想拎進步獎果ｄ拎到啦

有自己目標既都會比心機達成啦

當然我自己都希望做到啦

打完日記心機爽了很多

又繼續去等去傻

快樂的等快樂的傻

沖涼讀經Ｚｚｚ．．．

唱ｋ日

好耐無唱ｋ啦

今日約左一班人去唱ｋ

老野　ｖｉｃｔｏｒ

呀湘　區祈　蚊２　彤彤

估唔到彤彤都會一齊

好耐都無同佢一齊玩ｌｕ

之後９點幾就起左身

跟著１１００船就出左去

１２點都未夠就到左富東

仲約佢地１２１５．．．．．

之後等等等等等

１２１５得老野到左

區小姐先岩岩起身

之後等到１２４５終於都齊人

不過算啦　等下是好事

反正我唔知要等耐

３０分鐘當鍛鍊自己

之後我地就出去啦

呀湘同ｖｉｃｔｏｒ係出面等

之後去到油麻地既地鐵站會合

跟著就向著ｎｅｗａｙ出發

一開頭我地係間好細既房唱

之後唱唱下轉左間好大既２２人房

好好玩呀　女孩子們超變態

企晒起身跳舞　勁攪笑呀

我諗平時好難見到佢地咁既樣

靜係去睇佢地跳舞都抵晒啦

之後６點幾就出左去叫蛋糕入黎

區祈好似都ｏｋ開心　太好啦

經過７小時既狂歡　

係最後一首國語勁歌金曲下結束

勁慘囉　我勁多都唔識唱

虧晒比佢地　等我番家學下先

唱完之後本身諗著番家嫁啦

點知呢我地又去影貼紙相喎

影影下既時候又想去食壽司

我見既然咁開心無理由唔去

所以影完相相就去左深水埗食壽司啦

點知我地１０點先有位

但係１０點半又要埋單

１１點仲要走人

勁唔抵攪到　嗚嗚

不過都ｏｋ滿足既

可以豪不留情咁係咁食食食

點知最後點果ｄ無得食

之後就真係要番家啦

１１點走　諗著搭１２３０

因為１１４０應該貴ｄ既

咁咪送埋佢地番東涌

一路搭地鐵　一路講ｄ趣聞

可能我搭地鐵搭得少

佢地講ｄ野我真係未見過

但係又真係超級勁攪笑囉

最攪笑係　我地傾傾下呀湘無啦啦勁笑

笑到聲都出唔到　我地以為咩事

點知向佢望個方向望一望

原來係有個人的睡覺樣子實在．．．．

攪到我地７條友由荔景笑到欣澳

我地停晒之後蚊２先慘呀

佢一直笑笑笑笑笑笑笑笑笑笑笑笑

笑到停唔到　見到佢想控制個咀

但係又震震下攪到笑番　好攪笑

打緊呢度果陣我都仲笑緊

好似好耐都無試過咁開心啦

之後到左東涌　就再番香港

１２３０船就番家啦

點知都係３２蚊船．．．．

原來搭１１４０是較好的

因為價錢係一樣　

不過搭地鐵咁好笑　都好既

今天一整天都好開心呀

雖然用得多左Ｄ　＄＄

仲要問ｖｉｃｔｏｒ借左Ｄ

不過開心都值得既

同埋最後　終於知自己想點

也許一兩個電話真係夠一了百了！

煩

最近真係好煩

睇左一本書

係講ｄ動物祈禱

恐龍既化石祈禱話

佢覺得自己係最好

因為佢已經死左

唔會有咩唔好既諗法

唔會有世界既煩惱

我都曾經有呢個諗法

不過自己又唔敢去死

如果有日無啦啦有意外

我無咩痛咁死左都唔錯

唔知我死左之後

有幾多人會傷心

有無人會為我喊呢

唔知睇緊既你又會唔會呢

-「．努力﹁！︹加油《﹛‥

有ｄ唔如意既事發生左添

勁煩勁煩勁煩添

不過Ｂ媽講得岩既

主要我們經歷既

一定有野要我地學

起碼我都知左好多野

得左ｄ好珍貴既野

以後真要為做人努力

不過學業上都要努力

假期過得十分浪費

無玩又無做功課又無溫書

Ｄ時間用左係邊都唔知添

同許生傾左少少理想既問題

會考之後好似未醒過咁

但ｎｏｗ應該醒了

我真係無咩時間諗太多野

讀書＋做人都夠煩

但有ｄ野又好難唔諗既

不過我總會知道點做既

「應當一無掛慮，只要凡事藉著禱告、祈求和感謝，將你們所要的告訴神。神所賜出人意外的安，必在基督耶穌裡保守你們的心懷意念。」(腓四6-7)

」﹏〉ＢＢＱ．大日子﹁︴

今日係一個好值得開心既大日子

因為今日耶利米團大家庭會去ＢＢＱ

好開心呀　又有機會可以一齊玩

不過有Ｄ讀人已經要開始番學

真可惜　希望下次可以多ｄ人啦

昨日很晚才回到家　回家路上

有一點點的小雨點　番家勁祈禱

因為唔想ＢＢＱ會因為天氣取消

之後今朝８：５０夾森打黎

問我呀忠去唔去　之後聽完

我就睇下個窗外面啦

好開心呀　因為外面有太陽呀

超級感恩　因為可以ＢＢＱ啦

之後好安心咁訓到１１點幾

因為我同呀忠唔係東涌入貝澳

係梅窩同呀湘入　所以可以訓耐Ｄ

之後搭１２０５入到梅窩

幫佢地買左ｄ剩餘的物資後

呀湘都到左　買左ｄ丸丸

點知之後岩岩走左班車車＝０＝

咁要由１２４５等到１３３０先有車

同忠和湘去左公園仔傾計

之後夠鐘就搭車過去ｌｕ

過到去　佢地起晒爐咁等我地啦

咁我就燒兩條腸腸食先　點知

我一放落個火度　分左神同許生傾左陣

我條腸已經黑到呀媽都唔認得啦＞＜

唔知點解今日個火特別勁

燒咩都超快攪掂囉

所以我有見及止呀　醒目Ｄ

今日要勁燒ｄ雞翼同扒扒先得啦

點知燒第一塊豬扒果陣

燒左一面就諗著拎紙巾抹抹手啦

點知我趺左塊扒扒呀＞＜

勁唔開心　不過之後聽到冼倩講ｄ低ｂ野

即刻無咩　佢話塊豬扒係呀森個腦＝０＝

趺左既芝士腸就係呀森既咀．．．

之後燒果陣好小心　終於比我燒到啦

其實ＢＢＱ我好少燒扒　因為難熟

但原來扒係咁美味既　＾＾

之後一直咁燒燒燒燒燒

燒燒下就去左影相相

有張戴上了嘉文的ｃａｐｃａｐ

影了一張很型的照片　

等我遲ｄ　ｐｏｓｔ上相簿啦

我知大家一定好想睇嫁啦

之後燒燒影影燒燒影影

咁上下許生就借左個波番黎

大家係沙灘玩個好好玩既遊戲

要跑呀跑　跑呀跑　靜係靠傳波

要將個波傳到對方的後場去

好累好累的　不過真係好好玩

之後玩到六點左右　終於要走ｌｕ

有ｄ唔捨得呀　玩得咁開心

不過可惜都要走啦

之後唔想咁快番家著

咁就決定過逸東睇波

之後佢地番家ｈｅａ陣先

我同忠就去Ｍ記等華ｄｅｅ

之後．．．．．．．
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

只有少數人可以知的事！！！！！！

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

跟著就同富仔　華ｄｅｅ　呀熹

呀忠上去一號果度打波啦

之後上到去見到得何Ｂ係度射緊波

之後本身諗著唔打＝０＝

但佢地又差個喎　咁我就打啦

打打下都真係幾開心既

何Ｂ真係一個超級變態勁人

打打下夾森果ｄ都上埋黎啦

之後傾下計又打下咁

２１２０就走　番家ｌｕ

番到家飲左呀媽整的靚湯

之後ＭＳＮ

「...時間係最好既證明
可以證明一個人成功
　　　　但你要知道  也可以是失敗」

我都好想知自己係成功定失敗！！！

承諾－－－－「等」