好朋友：
我好辛苦好唔開心
同你地相處我好辛苦
點解你地成日唔理我
我係咪真係好討厭
可能我真係好囂張
但係我真係唔知唔覺
我傷害到你地都唔知
我無心傷害你地任何一個
係咪我玩你地都唔想
其實我好多次都想改
但我講少左野你地就唔理我
你地係咪真係咁憎我
或者我唔了解你地
唔知你地邊個玩得唔玩得
唔知你地講唔講得笑
你地唔講我知我點知
而家知道最多我以後唔講
其實我都好唔開心好辛苦
又住得遠又無錢又無朋友仲好自卑
同你地一齊又唔知你地鐘意咩
我唔知點先討到你地歡心
我唔開心果陣都唔敢比你地知
廢事比你地覺得我麻煩
其實我好想你地關心我多D
好想你地去玩果陣叫埋我
好想同你地成日一齊活動
成日知你地去玩我都唔敢問可唔可以一齊
靜係敢等你地叫
有時一個係屋企喊
之後你地番屋企就問你地玩得有幾開心
又唔敢比你地知我唔開心
我覺得我同你地距離愈來愈遠
森：我同你係好朋友，但係好耐都無傾心事，我成日覺得你有野隱瞞我
你又成日唔理我唔搵我玩，唔同我傾計，我同你仲係兄弟嗎？
好想好似舊時咁周圍坐下，細聲講大聲笑，唔知仲有無機會
鵬：對唔住，我知我對你係差，其實我一直好想同你做好朋友，
不過又唔敢問你ｄ野，我驚你唔當我ｆｄ唔講野我知，
又驚我講野唔岩聽激親你，做ｄ野又傷害到你。
華ｄｅｅ：其實我同你都係好好既朋友，雖然我成日串你，我一直都以為
我同你就係要咁相處，傷到你對唔住，最多我多ｄ同你打波。
老野：多謝你肯同我做好朋友，肯講秘密比我知，又成日肯聽我講野
如果有咩煩到你都好對唔住，希望你唔好憎我。
忠：你同我住埋同一地方，我知你好多時都唔開心，但我唔知你當我咩，
我同你以前咩都肯講，但而家你好似成日都避開我，又唔講秘密我知，
我都唔敢問你野，又唔敢講野你知，其實我係咪你好朋友。 |
