n年冇打過日記，今日都算有ｄ特別，打上來先

今朝大約７點鐘起身，準備出發去海洋公園（琴日凌晨差唔多一點先知係邊度等同幾點），本來約左傻貓係地鐵上面等既，點知係３１Ｍ上面見到蘇楚茹同林淋，佢地睇我唔到喎，所以我落車果陣咪嚇左佢地一下，晨早撞鬼唷ＨＥＨＥ。佢地話同傻貓一齊喎，等埋ｐａｎｄａ之後就準備上地鐵啦，傻貓話係車頭，個李淋唔知係唔係未瞓醒，走鬼左去車尾，發覺果陣已經跑唔番去車頭，搞到傻貓落左車，我地就上左車，無計啦，係荔景等，等到之後，我地一齊去金鐘同陳芷茵，魏佳茹等人（甄姐個頭好型呀）會合後，就搭巴士去海洋公園，痴鬼線，去海洋公園架巴士單程都要１０個幾．．．行車途中，魏佳茹叫我唔好聽歌，講多ｄ野，笑多ｄ喎，其實我唔係唔想講野，我係習慣左朝頭早唔會講咁多野姐。

到左之後，連售票處都未開（都唔知點解佢地要咁早），等左一陣，終於開啦，買左票之後，仲要等一陣個死人後門先開，開左之後，第一樣野，搭左幾條好長既電梯，搭完之後就去玩激流，死人ｐａｎｄａ同死人姚咩，揾我係前面，搞到我隻腳濕曬，你地同我因住泥，我遲早一定會報仇的＊ｗ＊　，之後佢地班友仔玩「洗衣機」，我同ｐａｎｄａ就做左縮骨仔，企埋一二邊睇，好好笑，佢地一個二個玩完都面青青咁，所以我同ｐａｎｄａ都認為我地既決定係正確既^^v，睇完佢地玩之後，我地就走左上去玩海盜船，第一次同陳芷茵，同李淋玩，開頭好驚既，唔敢開眼，，第二次玩果陣都已經冇咁驚，再玩第三次，已經可以開眼，仲可以笑添，有兩次同蕭學儀坐，係咁比佢打呀＞＜，一共玩左５次，陳芷茵玩完第三次就唔舒服囉，所以就去左海洋劇埸睇表演，鐘彩鏵同魏佳茹等人去玩過山車，睇完表演之後去買左ｄ話梅，陳芷茵食左之後回復正常（寧願佢唔回復正常），跟住陳芷茵係咁話玩跳樓機，不過因為太多人冇玩到，跟住就去左睇水母，ｄ水母好搞野呀＞＜，果ｄ水母因為燈光效果而變色，我地身上白色既部份都有變色，跟住咪影低佢囉，睇完水母之後，就搭纜車落去下面食野啦，一落到去，立即買尤魚食（好貴呀，不過都幾好食，仲有十幾條痴埋一齊添），跟住會合魏佳茹等人去麥當勞食野（又係好貴，食個新地同ａｐｐｌｅ　ｐｉｅ都要＄１８），一入到去，播緊我最鍾意聽既「沒有童話」呀，好好聽，就快食完果陣就同甄姐講”生日快樂！”（雖然過左^^）

食完野之後，我地再分開兩批人，今次ｒａｙｍｏｎｄ加入左我地，走左去兒童王國玩（佢地話比ｄ童真喎，我就話係痴線就真），跟住就同佢地痴左一陣，玩左小型摩天輪，陳芷茵丶李淋丶范詠詩蘇楚茹都有玩蛙蛙跳（超小型跳樓機），仲一路玩，一路笑，我丶ｒａｙｍｏｎｄ同ｐａｎｄａ就係下面笑，跟住再玩小型摩天輪，今次我地玩野，要一人一格，跟住果個哥哥「好好人」咁比我地一人一格，不過轉左我地７丶８圈，仲話我地咁鍾意玩就比我地玩耐ｄ，唔好再比我見到佢，唔係佢一定冇命，跟住陳芷茵丶李淋丶范詠詩丶蘇楚茹丶ｒａｙｍｏｎｄ同ｐａｎｄａ仲走埋去玩环环車，頂佢地唔順，玩完之後又走番上山上，陳芷茵同　ｒａｙｍｏｎｄ走左去玩跳樓機，我地就去玩果隻咩咩飛鷹，跟住就落番泥睇陳芷茵佢地玩跳樓機，陳芷茵係度勁尖叫，全埸最大聲就係佢，ｒａｙｍｏｎｄ就郁手郁腳，成個瘋人咁，玩完之後我地又再一次玩海盜船，第六次啦，好好玩，玩完諗住去玩番激流，點知范詠詩丶蘇楚茹丶ｒａｙｍｏｎｄ同ｐａｎｄａ，快我地一步落到去，仲玩左兩次，我丶陳芷茵同李淋就冇得玩啦，等埋魏佳茹落黎就搞車去番金鐘再搭地鐵各自番屋企了。

真係好開心既一日呢，甄姐我冇同你影相呀