我琴晚番到屋企冇幾耐,接到陳芷茵個電話,問我聽日(19日)去唔去黃金海岸玩,我諗左一陣就覆佢話去，佢就話係９點係千色店等。到左今日「早，我８：２０分先起身，諗住去到應該有至少５－６個人係度，點知得阿妹（蘇楚茹），魏佳茹同蕭學儀係度，等左一陣，ｄ人先慢慢閃出來（最遲果個係WINNE   ＼＿／），佢泥到冇幾耐就有車泥到，佢地坐曬係低層下面最後面果ｄ位，我唔敢同佢地坐，因為估到]佢地會好吵，但係panda同raymond仲同佢地坐(我坐左係車門附近),一開車,如我所料吵到阿媽都唔認得,我塞住耳筒都聽到佢地講野,之後仲yeah,我睇到個電子板寫住「香港黃金海岸」,就諗緊佢地點解唔落車,跟住就見到蕭學儀走泥睇個路線圖,之後先話:「過左」,我就好無奈咁坐左係度笑,之後個站就落車,行入d見到個沙灘,入門口果陣我已經覺得唔對路,佢地就行得好快,入到去個沙灘,睇得出唔係黃金海岸,原來果度係咖啡灣,咖啡灣左手邊就係黃金海岸,所以就行番過去,去到找到個位就開當,有d女仔就去換杉,之後陳芷茵話找到個「瓦姐頭」,我一行到去,睇到好大個牌寫住,xxxx幼稚園,立即對住個白白地痴既陳芷茵講,看看這個,跟住只好好無奈地係個「瓦姐頭」附近整番d野,跟住阿妹又係度,堆沙,堆沙唔緊要,佢求求其其整d野出泥,我就問佢今年幾歲,佢既答案係......3歲,無野好講,跟住陳芷茵又同佢一齊傻,話要整個蛋糕出來,我地三個男仔,得個睇字,坐曬係度,跟住魏佳茹,無啦啦成堆沙車埋泥,話要幫我地熱身,好彩阿妹提我,我避左 yaya,跟住蕭學儀又一齊泥,比佢地兩個追住我地三個男仔,魏佳茹係度追住我,追追下因為我跑得太快,佢就放棄左,panda就唔知點啦,但係raymond走走下影都冇埋,之後班女仔就玩下水禮,唔係著泳衣,係著佢地穿泥果套杉(好彩,如果佢地穿泳衣既話我怕我會嘔),我地三個男仔係度行行企企咁,但係睇到o曬嘴,阿妹因為冇帶杉,所以唔落得水,陳芷茵就死都唔落水,佢地玩左一陣又上番泥,又玩過沙,我對鞋,panda對鞋同個袋,仲有raymond個袋都中招,立即反擊,panda就躲係後面,raymond係好遠,我就要一個打6個,好彩我企個位係順風,李淋好on居咁係一個逆風既位各我投沙,結果自己食番曬,好笑kakakakaka,之後男女雙方簽左停火協議,佢地再次係度堆沙,阿妹同李淋去堆山,堆完,阿妹一手推落去,搞到山泥傾瀉,雖然李淋極力阻止,但係之後陳芷茵因為李淋整到佢個哈哈笑(用沙整的)無左半邊瞼,所以幫左阿妹手破壞,魏佳茹,蕭學儀同WINNE就用沙堆緊生日快樂幾個字,但係之後因為快樂太難堆,所以改左做happy(未見過有人講生日happy),前面就有raymond個名,途中有一個細路一野踩落個生字果丿到,我見到魏佳茹好無奈轉身,望左個細路一下(好似想,衝上去殺佢咁既樣),之後就整番好個生字,整好曬之後,佢地就一齊好大聲咁大叫:「蘇楚茹,raymond,方謙,生日快樂!!!!」(係度講聲多謝先,但係唔洗希望我親口講)我本來瞓係度,就繼續瞓係度,raymond本來坐係度,繼續坐係度,阿妹唔知有咩反應(我合埋對眼,睇唔到),最好笑既係 係佢地講完生日快樂果陣,有個我地唔識既人係度話佢地老套,我起番身之後,鍾彩鏵(講起鍾彩鏵,僭今日係咁用水樽打我地三個男仔個頭每人比佢打左三次)就叫佢地成班人怒望住我,過左無幾耐,有第二細路係個生字度,拎左d沙,跟住魏佳茹佢地一齊係度講「唔係呀?」(大約咁既mean)之後,個細路仲要話:等我快d走先,陳芷茵話:「你再唔走快d,因住我殺左你!」個細路走果陣仲踩埋raymond個名,我又係旁邊笑,之後玩到2:00p.m.到,我地就開始汁野,我換左條褲就算,跟住出番來,係到等魏佳茹,佢地上泥,佢地仲要入去沖涼,我地等左成20幾分鐘,佢地先整完所有野,我地係果個空檔開禮物,李淋同陳芷茵都係送杉比我(李淋送左件加大碼比我      = = ),陳芷茵送左個鍾比raymand(生日禮物唔好送鍾(終)呀下次唔該),送左個小型蒸餾水機(真係裝到水,仲可以按d水出來)比阿妹,魏佳茹又係鍾一個比我,一個比阿妹,raymond果個唔記得左係物,阿妹仲收到條磁石毛蟲同一個毛公仔豬,之後我地係M記食完野(食完之後仲用飲剩d野,整左個杯特飲出來,李淋仲放埋個包落去,仲要攪暈佢,過左一陣杯野發出一d臭味,我地就即刻閃人,出左M記,陳芷茵仲話想飲果杯野,諗住番去拎番杯野出泥比佢飲，但係個位已經有人係度，所以就出番去黃金海岸睇左一陣野,就各自搭車番屋企喇,番到去梗係第一時間沖涼,比佢地 班友搞到成身沙,有機會一定要報番仇先kaka。