呢個日記既最後三日啦，
我雖然係好唔捨得，
但係我要佢都得到幸福，
見到佢好辛苦啊，
我寧願我地既緣份少之再少，
少到一個星期先遇見我一次，
好似太多啦，
一個月啦！一個月先遇見一次，
咁樣我可以好好咁同佢打招呼，
依家既我，
仲未平服，
雖然已經過左差唔多一個月啦，
∼∼∼∼∼∼∼∼∼∼∼∼∼∼∼
每次見到佢同其他女仔一齊玩，
我個心痛得很，
有種酸酸既感覺，
根本，我就接受唔到，
因為我所有既希望都係佢身上，
一切美好既野，
都係佢度，
自從個晚後，
我既一切希望和心願都打碎啦！！
∼∼∼∼∼∼∼∼∼∼∼∼∼∼∼∼∼∼
今日放學既時候，
溫溫唔見左條鎖匙，
行番轉頭，
佢係突然之間覺得唔見左野！！
點知，好似係個天故意咁，見到佢同兩個女仔一齊行。
既然係迎面而黎，
唔打招呼係唔係咁好，
所以佢咪問下做咩番轉頭囉，
我都唔想答佢！！所以咪無講野∼∼
搵番條匙就去荷李活囉，
又見到佢，一個人係度等巴士，
唔知佢去邊，不過我估佢搭２０３Ｅ！∼好似係佢表弟
唔知啊！
不過我見到佢見到我地，
但係我．．．．．
唉！唔想再同佢講野！。。。因為每日我都見到佢係三樓，每日聊唔同既女仔傾計！。
成日都俾我見到，差ｄ連最後的一份禮物都唔想整俾佢。
∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼
育詩話：：就算佢唔鐘意我，我都唔可以咁對佢，見到都唔出聲，咁樣佢會好慘！
大概內容係咁啦︷
但係我真係做唔到，
我曾經講過，一但表左白，被拒絕，我一定會唔再同個個人做朋友，因為檻介。
不過育詩講得岩，
而且佢都唔想，
或者依家既一切，係自己做成！
所以無論個心有幾痛，
我都會整埋最後的禮物俾佢嫁。。