今日係家庭日，

去飲完下午茶之後，

搭車，去荷理活，

勁多人啊。

不過最後一樣收穫都無！！

∼∼∼∼∼∼∼∼∼∼∼∼∼∼∼∼∼∼∼

前幾日，我又轉左髮型啦，

哈哈！

又短左好多啊＞．＜

聽日要番學啊，

我知道女童軍都要番，

唉！

應該係開學禮要操啦，

我唔想啊！

聽日仲會見到新既總隊長，

唔知，見過未既呢，

而且唔知靚唔靚仔既呢？

∼∼∼∼∼∼∼∼∼∼∼∼∼∼∼∼∼

再過多六日，

就生日啦！＋．＋

今日同抽筋玲去買書。

一齊食ｌｕｎｃｈ之後，

再陪佢一齊攞「眼鏡」＜－－－－我覺得都唔錯啊，幾好！

ｔｈａｎ我地去「偉發」買書，

之前訂左書嫁啦，所以唔駛排隊，好快就走得，

個個俾書我既人，好鬼惡，真係煩！！

始終都差一本。。＜－－－－不過訂左啦，唔可以去其他書局買

因為之前差一本，而且又無訂到，（另外一本黎嫁）

所以去其他書局買。

最後既結論，依家只係仲有一本未有！！

遲ｄ又要去多次「偉發」啦。

∼∼∼∼∼∼∼∼∼∼∼∼∼∼∼∼∼

買好書之後，

去買左隻「新紮師妹３」

ｔｈａｎ去抽筋玲屋企，

因為一齊睇碟，

順便幫佢包書。（哈哈）

係唔係好好人呢？

幫埋佢包書，無計啦，

佢唔識包，又話包得好樣衰，

而且我係圖書館管理員，

應該練習下。

∼∼∼∼∼∼∼∼∼∼∼∼∼∼∼∼

倒數第７日，

仲有一個星期，我就生日啦，

ｈａｐｐｙ！＞．＜

今日好平淡，

２：００補習，

補完之後，

番屋企。

無咩特別啊，

連感受都無咩。

∼∼∼∼∼∼∼∼∼∼∼

聽日去買書，

星期一去睇戲。

唉！

個暑假都差唔多啦，

過得咁快既，

日日都係咁。。。

倒數第８日＜－－－－－－生日！