今日番學校睇科學比賽同埋歌唱比賽。

個歌唱比賽好好睇啊，

特別個評判，

係最後宣佈結果前，

佢唱左首「葡萄成熟時」

嘩！

好勁啊。

個個都好專心咁望住佢係度唱。

不過佢真係唱得好叻。

之後係圓台等ＭＩＳＳ鐘。

本來食ＰＩＺＺＡ，

好多人啊，

所以去食壽司，

但係壽司都好多人，

就去ＫＦＣ啦。

食得好開心啊，

好似一家人咁，

ＭＩＳＳ鐘突然同我講進步左好多，

我問係唔係成績啊？

佢話係。

再問點解知？

佢話見到我個名。

佢問番我，我個班主任係邊個？

我就話佢知。

之後就無再講啦。

不過番到屋企，

話有個自稱係我班主任既人打電話黎。

唉！個時我都未番屋企。

所以唔知點解？

希望係好事啦。

聽日要去日修小學做接待生，

希望可以好似今日一樣咁開心啦。

由尋日開始睇「惡作劇之吻」，

真係好好睇啊。

個女主角好勇敢啊，

可以係自己心愛既人面前表白，

雖然係寫情信，

但係都好叻啊！

暗戀左個男主角兩年，

係兩年啊，

唔容易嫁！

唉。

我只係暗戀左一年喳，

就已經痛苦死啦，

個女主角雖然係好蠢、好笨啊，

但係佢個份既堅持真係好叻啊。

永不放棄。可能係因為一見鐘情啦！

但係我覺得一見鐘情係無可能，

或者叫做機會好細啦。

今日佢打電話叫我去食飯，

但係．．．．

我已經食飽啦，

遲左起身，唔食早餐，所以食午飯！

平時唔駛番學既第一餐係午餐。。。。。。

∼∼∼∼∼∼∼∼∼∼∼∼∼∼∼∼∼∼∼∼∼

講真啊！依家既我都唔知係點嫁。

一直希望既野，

都差唔多可以得到啦。

但係感覺怪怪，

好難可以用文字表達！！

今日唔駛番！

都唔知做咩好。

佢尋日話佢今日比賽，

ｗｉｎ左就請我食飯。

估唔到，

佢真係ｗｉｎ左第一場，

雖然第二場輸左。

但係都一樣！

唉。。。。。

佢就開心啦！

但係佢永遠唔知道我同佢去街既時候，

個種既壓力，

又無奈，

又有Ｄ尷尬喎。

唉！！

我鐘意佢，

但係又怕同佢去街，

真係．．．．．

唔通我根本就唔鐘意佢？？

無可能，

我為佢做左咁多野，

落左咁多心機。