偶然經過果個路口
回憶既片段忽然全部出曬黎
我會咁記得果個路口
因為果個路口,曾經記載過只有我同你既唯一兩次單獨共處
呢兩次既共處
一次系因為同你溫完書之後,送你番去
另一次,就系拎茶比你既果次
雖然兩次單獨共處連五分鐘既時間都無
但點解我會咁清楚記得,而且仲好記得當時候既情景呢?
記得第一次送你番去既時候,我地走過果條西鐵站既路
雖然我地一句說話都無講過
但其實果刻我系好開心,
因為當時只有我同你,
而且我亦都無諗過可以有一日有坩既機會送你到番屋企
真系真系好難得
真系真系好開心
而第二次,我系因為拎野比你,所以先有咁既機會
仲記得果時我好傻,記錯左你棟樓既門口起邊到
於是你打電話同我講,話我去錯地方
就系果刻,好似電影情節咁
我一另轉身,就已經見到你起我背後出現
仲記得果日天氣好凍,而且仲有啲微微細雨
但系送完野比你,聽到你同我講真系好多謝曬
我真系成個人都暖曬,真系暖曬
之後送你番到樓下,睇住你入大堂,背影慢慢消失,
吾知點解,果下我居然覺得好難受,好冷清
如今企番起相同既路口上面
雖然天氣已經吾再好似對上一次咁凍
但點解,我完全吾覺得暖呢?
反而會好似上次咁有果種見住你離開既寂寞同冷清咁
但我今次知道原因,知道點解
因為我知道,我再無機會會同你有只屬於我地兩個共處既時刻,
因為我知道,起呢個路口上
我同你,或者吾會在有任何既回憶
而所謂既回憶,亦只可以懷緬之前,唯一兩次既共處
吾會有第三次....再吾會有!
果刻,我真系覺得好難受,好無助
明明系幾想擁有再多只屬於兩人既片段
但永遠再吾會有...
吾通呢D就叫左命運?呢D就叫做有緣無分又或者叫緣散?
過去....原來真系不堪回首
|
