原來有好多野都吾系話認識長短既問題
原來有好多野都吾系好似幻想咁好
原來有好多野，無就系無
0......原來始終都系0....
曾幾何時，身邊既人都不斷咁講同一番既說話
佢地話：[好多事情如果可以行出第一步，好多時都會成功]
但經曆左咁多事之後
原來呢個理論根本系錯既
因為實在有太多事情根本吾系願吾願意行出第一步咁簡單
而系要配合時間，配合感覺，配合他人才可以成功的
曾幾何時，我真系以為我地系會有可能
但我明白，其實果D都只不過系我一廂情願既諗法
其實一直以黎，我自己所做既付出，
其實真系無諗過要得到乜野既回報
因為我實在太清楚自己系一個乜野既人-----[毫無用處之人]
但我都仲系好感激曾經我地有個四個月好好朋友，好好知己，好好家人既身份回憶
果陣時，我真系無試過好多事情
雖然我知道，日後可能再無可能可以咁深入咁傾野，咁親近
怪，只可以怪自己吧！
突然諗起之前陪你去醫院
果陣時，我真系覺得同你好似偷情咁
[這麼近，那麼遠]，應該系最好既容易吧！
明明你就起我眼前，但我地吾可以有任何溝通
只可以靠住一部電話SMS，
咁吾系偷情既一種咩？
然而，偷情只系我自己既想法，
但我真系覺得好幸福，
因為就算當刻結果系好定系壞，
我都可以做到第一個陪你分擔既人
又諗起送蛋糕比你既時候
你果個好開心但又好收斂既樣
其實果刻我好想笑你，做咩要咁拘謹
不過果刻就連我自己都莫名其妙咁緊張起黎
大概，果次系少之有少得你同我既時刻吧
我仲記得你既一身打扮
記得你有搽到指甲油
果刻我真系好想開口同你講，你好靚
但無可奈何，我始終開吾到口，
因為覺得突然坩講，好似更加會令氣氛尷尬
但呢句說話，似乎永遠，永遠都吾可以再講啦！
阿，其實當我發現你腳上有搽到指甲油既時候，
我仲發現你腳上魚左，其實果下我想問候下你
但亦始終無辦法開到口。。。
仲記得呢四個月以黎
好多時候都會同你呢個好好知己傾電話，
我地果陣真系乜都可以講一餐
單單講食就已經可以講左半個鐘呢
而且每次聽到你把聲，我都可以感受到你果個既心情系點
有次因為你爸爸既事情令你好擔心，令你好吾開心
我真系完全可以感受到，
但我可以做D咩呢？
原來我只可以借只耳仔比你，聽你講
但其實我已經覺得好開心，好幸福
開心，因為你信任我，會同我講
幸福，因為你願意將你軟弱既一面比我聽到，比我感受得到！
其實呢四個月以黎
真系要好好好多謝你呢個好好家人
仲記得起我最後十八歲生日果日
你同其他屋企人陪我度過左呢日
而且仲可以同你影左好多只屬於我同你既相
家下睇番D相，
我依然系感動到無野好講，無言感激
不過，最令我感激既吾系D相
而系我地玩完之後，我地坐冒險樂園門前既凳到
我地好親密咁講左好多野
呢個先系我最最最難忘既回憶
榮幸試過可以送你歸家，
但其實起送你番屋企既途中
你話見到肥仔同女人一齊行返去好幸福
你知道嗎，其實我好想開口話同你一齊行番去
不過，我知道我地吾會有咁既可能
你知道嗎，
其實就黎送你到你樓下既時候
果一刻，我真系好有沖動想拖住你，同你講出一切既心聲
只可惜，我實在太無勇氣，實在太驚嚇親你
我實在太清醒，知道我根本無可能系你願意放起你安全位置之上既人
所以呢個沖動，我只好好好收斂起黎
哈哈，突然同你相處果既回憶好似全部都一次過湧曬出黎
去廣州考察，夜晚教你玩色盅，
去KFC同你溫書
一齊食雪糕....
太多太多
呢D回憶或者吾會再有，但卻永遠在我心頭
四個月好好的朋友....四個月好好的家人
但願永遠都會系~
|
