今日一早八點幾起左身，沖完涼就出

左門啦，約左人去 ＡＰＭ 睇戲

睇果套 " 咩豆撞上女殺手 " 以為好好

笑，點知悶到嘔

之後番去藍田啦，帶班new member

去總部考試，又涷又要行，所以都幾

辛苦，上到去ｄ人掛住玩又唔溫書

真係想死！都唔知有無人肥架？

不過都好，今日上總部又見到勇勇

之前同佢講笑話要佢送情人節朱古力

比我，點知今日真係比左盒金莎我啊

佢真係好可愛啊＞﹏＜

之後就去左坑口啦，一去到就見到

波波好惡咁係到鬧人，鬧我地好踢

極都唔旭，過左半年好似咩都無做

過咁！講完之後ｄ會員就走晒啦，

得番我地ｄ隊長係到，當大家走緊

時，ｄ大人又係到傾緊，蔡就叫晒

其他Ｆ．２同埋Ｆ．３既隊長過去

得我一個無采到佢，我一個係後面

發呆，見住佢個嘴係到旭下旭下咁

發表偉論，之後洪佩珠拍一拍我隻

手叫我望下蔡，我見到佢係到哭

唔知點解無感覺之餘重覺得好假

話我衰都好，我都係咁覺得

之後大家傾到７：００到就散啦

今日好叻啊~ 唔使搭的士

番到學校好似轉左性咁係到攞

住本英文故仔事係到睇!

之後上堂又係果個字：悶!!

ｌｕｎｃｈ去左耶林閣到啊

ｄ沙律好正啊∼

最尾果堂好ｈａｐｐｙ啊

係甘sir 既中史堂啊，好耐無

試過笑得咁耐啦！

放左學後又要去紅會，但就

落住毛毛雨，好唔舒服

之後又上左總部，又撞到勇

勇，真係Ｑ得咁緊要，走時

又係同佢一齊啦，無啦啦佢

又講起自己既感情，唉......

想唔聽又唔得！講下講下講

到幾個人啦，我好耐都無佢

地既消息，淨係知佢地個個

都有拍拖，勇勇就話全部都

散晒!! 我聽完覺得好好笑

重記得佢地初初拍拖時，都

講到自己有幾愛對方，愛得

有幾偉大，咁" 偉大 " 又咁

快散，真係兒嬉得好緊要~