終於..

我都真係做左啊媽

凑左三個紅會既細佬去左漫畫節

星期日都遇左逼

不過無諗過逼到咁

真係人夾人 = =|||

果兩個令妹就唔驚佢地走失

反而有個豆丁就真係驚佢比人夾走左

唉...

我認命啦..

前既日又自己一個勇闖旺角

重要落住大雨

不過旺角都依然咁多人

自己一個真係free 到爆

可以任意行自己鍾意既鋪頭 = =+

重買左生日禮物比我表姐

行左一敞信和 加 旺中

咁又使左我幾舊水 T_T

不過都好..

我買左隻Michael Jackson 既演唱會DVD

真係應該大笑幾聲..

哈哈.. 哈....

唉.. 又話要去camp ...

無得打機

唉.. 唉 ..唉..

去左 書展

一如意料中咁多人

不過都比 漫畫節 好了

地方大左好多

所以都唔係行得咁辛苦

可愛的 陳noon 行書展都不忘買紀念品比朋友 = =|||

不過淨係得無去果d 人先有份

早知我都唔去啦 = =+

不過講下笑姐..

去到會場無幾耐

我對眼即刻 發光 @_@

因為我見到 Michael Jackson 既 回憶錄

重比出面平左十幾蚊  ^^

前幾日係出面見到已經想買

好彩無買到姐..

之後又買左隻CD

額...

就好似我係為左佢而去書展

 不過哩日對我黎講活動量都好大 = =||

可想而知係真係攰過隻狗

↑ 戰利品  ..^^..

遲D 又話約左紅會班仔去漫畫節

天啊!! 我真係做左啊媽 = =||

要凑住班細佬

咁邊個凑 我啊?