夜晚去左黃金海岸商場頂樓BBQ，今日都好熱呀!!

班朋友仔仲要係馬鞍山~~~山長水遠咁入黎，真係辛苦晒!

個場都OK架，最激氣係D錫紙用晒，佢竟然唔再補，D侍應仲話『冇架啦，話明係免費野，唔一定免費架』

咁都得，都唔知有冇攪錯!! 後尾玩挫大D輸左$25~~玩摸鼻哥我未輸過~~

阿昌同九字勁輸，勁多豬仔~~哈哈!!

BBQ完就去NEWAY唱歌仔 ，個個都飲到醉醉地咁走，

嗚><又冇左二百幾蚊，好貴呀~~~~

訓到1點...好舒服，今日唔累啦~~勁正，

同阿媽食完個下午茶，返到去就執櫃 ，

掉左好多野，包括細路個時儲左好耐既明星剪報，

次次執野個時見到都唔想掉，因為我成日都諗，到老個時拿番出黎睇好有紀念，

會諗番細個o個時都會做呢d野，但今次個諗法又唔同左，

可能係我已經冇咁鍾意佢地，同埋老個時見到都唔知有咩好紀念，唔通真係會睇番咩？

姐姐前兩年嫁個陣，都掉晒佢儲左好耐既錄音帶，我都唔明佢點解要掉晒，

呢d野真係見証佢既成長架，唔知過多兩年我係咪都好似佢咁呢？？

不過唔同既我個d只不過係剪報，再見啦~~里安納度，武田真治，周杰倫....既報道~~~~

復活節快樂~~        

今日好累好累好累呀...都唔知點解，琴晚已經係咁啦，

剪完頭髮返屋企就勁累啦，夜d仲要成面生晒風難，12點已經訓左覺，勁早...

係公司已經唔想做任何野，剩係望快d放工，5點一夠就走了，

留返放完個靚假返去再做啦~~~