今日返到公司先知道我D同事都有過去澳門玩，有個同事贏左3千幾，有個輸左勁多....
佢地話我個D係濕濕碎，但我已經覺得好傷啦

今日有兩個新同事返工，一個舊同事走，

好唔捨得佢呀，少左姐姐同我地一齊蝦後底乸啦，又無得同我行去撘巴士，

不過我一定會掛住你架，啜啜啜啜啜~~~

你要快D變番開開心心，我就變番瘦瘦靚靚~~~啜啜啜啜啜~~

之後我地一齊去沙灘搵仔~~~~!!!!正

早上起來又去左新八佰伴間茶樓飲茶，都OK貴，

跟住去左漁人碼頭玩，不過係勁無聊囉，跟住就去左大三巴，參觀澳門博物館，大炮台~~~~~

行到好累呀...原定坐9點3船，後尾諗住買埋手信就走了，

點知行行下俾我地搵到介紹書介紹既餐廳，之前睇圖片個雲吞麵好好味咁~

咁就決定食埋先走啦，點知都係一般貨仔，

男朋友話個千幾銀儲住係度先，有機會拿番黎架~~~!!!!我都係咁話!!!

仲有我未食到豬扒包呀~~~~~~~~

返到屋企...個MON又壞左.....

一早起就鬧左陣交!哼~你好野，不過好快又好番，就決定拿拿臨過澳門玩，

不過琴晚玩到5點先返到屋企...都好鬼累... 我都話去中旅架啦，

唔好成日都唔信我D說話得唔得？過到去已經成8點鐘，留左係酒店睇埋女人唔易做先出去食飯。

我地黎到呢度..竟然去左新八佰伴美食廣場食晚飯，哈哈哈~~

之後去邊？緊係去金沙賭場啦~~~勁瘀呀我，

我地兩個都唔知點樣暢錢，最後見到個COUNTER就走左埋去，

俾張$500紙個職員，個職員問我想做咩，我話下...佢就問我暢散佢？暢籌碼？

我話想暢籌碼，佢就話去個D櫃面俾錢佢，佢就會暢籌碼俾你架啦!

我就話咁老虎機呢？佢已經忍唔住笑笑口話塞D紙幣落去就得..................

真係超瘀超瘀囉... 最後我地輸左千幾銀...開頭都有贏過架..

夜晚訓覺仲要生晒成面風難，又訓唔著...好慘....