今日係7月1日，我唔會去遊行。

訓到成2點9先起床，舒服啊~~

之後下街同爸媽high tea，之後決定返黎整釀豆腐和豆卜，又整左o者喱糖，

全部都係男友指定架，成日見阿茵煮飯，自己都好想試下呀，

首先要刴豬肉，好辛苦呀....d汗係咁流...係咁流...

之後就釀豆腐同豆卜~~

幾靚~~~~

再煮啦~~~係我親手放落鑊個度架!!!

不過最緊要個野就係"軒"汁啦，不過係媽媽幫我整既...

下次我一定會自己一手包辦架!!!

完成品啦~~

幾好味~~~男朋友仔都話好味架~~~拍手~~

夜晚睇埋<天橋驕子>大結局，真係高儀贏左呀~~

呢兩日放工準時5點鐘即走，我諗過啦，點解我要洩俾佢呀!!

以後盡可能要5點半即走，不知所謂!!!!!!

今日開會個陣，老細竟然話以後星期六要返全日，平日都要放5點半~~~~~~~~~~~~~~~

惡耗呀~~~~~~~~~平日放5點半都無所謂呀，但星期六要返全日呀!!!!!

人地政府7月1日開始五天工作週，我地就由7月1日開始六天工作週，

咩世界黎架!!!要人地返多D時間，又要唔加人工，仲要叫我地唔做呢份工都唔好講佢壞話!!

係咪痴線架，好激氣呀!!