買左對平底鞋著，但對鞋真係平底得濟呀！

點解又係咁辛苦架，我對膊頭有如千斤重"膽"係度呀！

好累咁....lunch和同事去左飲茶歡迎我，

d同事好正經，一d都唔同以前d同事呀，哈哈~~~

夜晚哥哥提早同爸爸慶祝父親節，

去左元朗<大榮華酒家>食飯，叫左八碟餸~~~好滿足好滿足呀！

d餸菜都幾好味，埋單都係4百幾元，好低呀！

第一日返工啦~~冇遲到呀~~幾叻女！

要影張staff咭既相，好後悔一d妝都無化到，肯定好殘啦...

好累呀....要著住高踭鞋，又唔慣，和同事又未熟，

呢個時候就好掛住富臨啦，唔可以架！掛住d人好啦~~

琴晚訓得唔係好著呀，唔知緊張定乜野，

所以今晚要早d訓啦~~~

上個星期四去見個份工，今日打黎真係請我呀！

我琴日仲諗住佢唔打黎實無行架啦，

今日訓醒就收到電話了，好開心啊~~

唉...最遺憾就係佢問我想邊一日返工，

我就答是但啦，佢就話咁明天啦，

唉~~~點解我唔講下星期一呢，咁咪可以休多5日囉！！！

就可以睇多幾集豬影，做多次facial，

再訓多幾日到點幾啦~~~~~~

收到電話個時好開心，但宜家未返，已經掛住放假既日子啦~~~~

好！收拾心情！要打醒一百分精神！

其實真係好驚呢，要重新面對一個新既環境，都係一件好難既事黎架，

不過最正份工就係返5日呀~~~~very goooooood~~~