跟住我地玩左一個大圍game，好好玩架~~

成日都抽中我，食蝦條呀..聞臭腳..騎牛牛..食權頭..騎膊馬..仲有d架！

不過都好好玩！玩完就覺豬囉，第二日起身又落雨..

落床個時又"扇"到隻腳，差d一字馬呀....又扯到條筋！

去左大澳食中午飯，d餸都好好味啊！仲去左食山水豆腐花，好滑架！

買左舊蝦膏俾媽媽做手信。之後又同阿銘出左去深水埗整psp，

再落旺角買鞋，買唔到呀..但勁攰呀..個陣時真係筋疲力盡啦！

行多一步都唔想，仲諗住訓左咁多實好精神！

總結今個旅程，最衰就係落雨，無晒引呀，同埋小瑩病左，知道佢好唔舒服，希望佢快d好番啦！

七點幾就起床囉..好眼訓呀！

去到岩岩好撘到10點半班船...唔係就攪到佢地要一齊撘下一班啦><

去左昂坪市集睇野，又去左大佛個邊睇，個陣時開始落雨啦，

去到塘福已經落到好大了！今晚點bbq呢？

入到屋，俾我發現有好大條"色翼"呀~~~~~

阿銘係咁打佢，最後踩死左，斷開左一半....條尾係咁郁....

好恐怖，之後我一諗到就打冷震，

落去食完tea返黎個陣時係最大雨呀！d斜路好似瀑布咁，唉..我對鞋...

夜晚冇得bbq囉，去左一間菜館到食飯，出去個時又黑又恐怖...仲見到牛蛙，

我真係好驚...但我既尖叫攪到小瑩好驚..真係唔好意思！

食完飯竟然停雨呀！樓下黎camp既人仲燒野食添呀！

激un呀！無得bbq攪到好多時間呀，我仲睇埋<春天後母心>大結局，呵呵

又睇左套好嘔心既戲叫<死蠢鬥一番2>，d男仔係咁話好睇，有一個shot真係睇到我反胃呀！

下集繼續！

唔知醒，無去到見工，呵呵

又係無無聊聊咁過左一天，

睇電視..睇電視...不過好好睇...嘿嘿

天文台話明天真係狂風雷暴哦~~~~~

掛個晴天公仔先