訓醒就睇番之前錄既電視劇，

要睇<Top Model>啦，今次暫時都幾好睇咁既。

<keroro>啦，岩岩開始睇，點知又大結局。

<溏心風暴>啦，真係好好睇呢！晚晚都係咁追。

終於染左髮，希望今次維持耐d啦，好臭啊！

放假的第一天，我要日日記低放假後做過d咩。

今日係執番晒公司拿回來的物件，真係超多野，不過全部都係濕濕碎既野黎，

都唔知d點執好，煩到死！

夜晚去左樓下間酒樓食晚飯慶祝母親節，不過今日唔知點解個個食左躁藥咁，

攪到係咁鬧交，不過我食左好多野呀，樣樣都幾好味，

返到屋企又肚痛，><希望唔好再病發就好，要節制下啦！

好耐冇寫過啦，因為今日係我在富臨工作的最後一天，特別寫下去，

在富臨工作不經不覺都差唔多七年啦，日日和同事都過得好開心，

但總有唔開心的時候，不過都好快會忘記，繼續大家一齊耍樂！

其實講話轉工都講左3-4年，個個朋友都叫我走，我自己知道係要走架，

但我份人又懶，又唔想變，又驚，宜家終於的起心肝去做，

有好多原因，見到好同事搵到好工走啦，自己又成日病，同埋唔多唔少係因為公司有d制度唔同左，

令人好難再繼續，留底係因為始終有一班好同事，

不過最後都係選擇左離開，不過我係未搵到工就走，但我由畢業做野到宜家都未放過假，

真係好想放一個舒服既假期啊！所以我俾自己放一個真真正正舒舒服服既一個星期假，一個星期都唔係好多o者....呵呵

哈哈~~其實真係好驚架，好驚要去適應一個新環境，一班新同事，

驚自己做唔黎，唔慣做一個新人，驚..驚..驚..真係好多野驚，最驚係無人請你.....

最後我要多謝咁多位好同事一直以黎既照顧，我知道自己大頭蝦，成日俾麻煩人，

但我會好掛住摸人，講劇情，交換d餸黎食，鬧交，應聲蟲，騎牆派，好多好多.....

多謝阿頭萍萍 - 我真係成日俾麻煩佢架，但佢都幫我頂晒，無言感激！

多謝主任錢美美 - 希望我走左後你都會繼續打俾我，同我講電話啦，我會好掛住你架~~同埋希望你就快肥過我！！呵

多謝已走的茵茵 - 繼續同你講劇情，繼續煩住你，繼續.....繼續....掛住你...仲有瘦俾你睇！

多謝華華 - 我會掛住你成日叫阿敏..阿敏架啦，希望你條肥腩快d無啦~~

仲有多謝雯雯，Dede，Anna，Cindy，Wing，Gloria，凱茵妹妹，Phoebe，Cherry，Vincy，英姐，菁菁，怡 & Andy哥哥

仲有幾位聽住，我會一見到你地就搣同摸架啦~~~~~~！