訓訓訓...訓到係咁發夢好辛苦呀！

又睇埋錄剩既<溏心風暴>，成日都未落過街，

又品評下電視劇先，夜晚由7點起睇<大城小故事>，都唔知點解咁耐都未大結局！

<春天後母心>，真係好慘，晚晚都睇到我眼濕濕。

<師奶兵團>，都幾攪笑。

<溏心風暴>，好好睇，一陣就做完咁。

7點睇到10點半....我真係就黎變師奶....呵呵

祝余凱茵小姐生日快樂，越黎越靚，工作順利，嘿嘿嘿，講幾多都無用，佢都唔會上黎睇既~~

仲有今日係母親節，祝媽媽母親節快樂，身體健康，乖女我聽聽話話，哈哈哈~~

又係好遲先起床，去吉之島見到古天樂，陳法拉同Theresa為魔盜王做宣傳

跟住去百老匯問下返左nds未啦，點知宜家話可以換PSP呀，我同銘都即刻諗緊係換PSP啦，

NDS佢玩到厭了，不過唔記得拿信！去左佢屋企食完飯慶祝母親節，返去諗住再換，

點知又唔記得帶張信用咭！激鬼氣呀！大頭銘！又要返去！

不過最後都換到，好靚添呀！換左香檳金，不過我想要粉紅色呀！！！！

都唔知幾時先輪到我玩。

兩日無返工o者，撘巴士竟然暈車浪，幾鬼想嘔呀..

返去公司放低之前影既相，仲同佢地一齊放工，

好似返工個時咁呀...哈哈

夜晚睇<白色巨塔>，唔知真實d醫生係咪咁既呢？

假如真係會對d醫生有少少冇信心，真係好衰囉，會見死不求，

希望呢d真係做戲啦。