琴晚好大雨呀，超級超級大雨，

又行雷又閃雷，今次d雷好大聲真係好恐怖，

嚇到幾次個心離一離，唔通我做左虧心事？？

4點幾先訓著...嘈醒..又訓，攪到11點就起左身=.=

下午去左吉之島，睇下有冇鞋和衫買，

最後係買左d唔等駛既野，呢幾日洗左好多錢錢添~~~

夜晚去左<客家好棧>食晚飯慶祝父親節，

程程完全係眾人既焦點所在，後尾我同阿銘帶埋盈盈和琪琪一齊出去左玩，

仲一齊影左貼紙相添呀！好得意呀~~

我隻手抱到程程好累呀...明天肯定痛死....

黑超b呀~~哈哈

呵呵呵~~~星期六唔駛返工啦~~

超級開心，膊頭即刻冇咁痛呀，

我又因為懶惰，有d野未做....宜家攪到遲左，點算好啊！？

夜晚食飽飯同媽咪落左街散步，去萬寧諗住行下買少少野，

點知又買左二百幾元，嗚...又晒錢添~~~

又係好悶呀，成日都唔講野，個口好臭呀

放工過左新蒲崗睇下舊公司既新寫字樓，真係好大呀，

環境真係好左好多，跟住去找哥哥幫華華買電視，

買左勁耐，好肚餓呢.....

今晚去食既地方，係我期待左好耐好耐既<橋底辣蟹>呀~~

第一碟就係上炒蜆，唔知係咪肚餓既關係，

全部人都覺得炒蜆係最好味~~~(因為太肚餓攪到唔記得左影相，)

仲叫左辣蟹，蒜蓉粉絲蒸聖子，黃金蟹，竹笙扒莧菜，生滾雞粥......

開頭諗住每人都要4舊水，後尾埋單都係2百幾~~好底呀！

仲屈左侍應哥哥請食生果，又係好滿足呀~~~