又係無無聊聊的一天，

我發覺原來到今個星期日就休左一個月啦，

好開心啊~~但最後我又係未減到肥，

身體未好返，皮膚仲越黎越差添，

仲有就係未搵到工啦！哈哈~~

<豬影>睇到101集啦~yeah！

同阿銘出去旺角拿焗爐，我幾萬分積分先換到個焗爐....

唔知焗唔焗到蛋糕呢？好想快d試下呀~~

今晚去左吉之島間<避風塘>食晚飯，

個豉椒炒蜆都唔好味既，最好味都係得碟雞翼，

唔ok唔ok~~

夜晚約左金庸朋友網聚，差唔多都有年幾2年無見啦，

去左旺角<沙爹王>食，嘿...又係我遲到啦，

食飽飯落左bar飲野，但我食緊藥唔飲得酒，我好聽話架~~

唯有橙汁代替，圍枚個陣狂輸呀，

飲左兩杯橙汁，如果係酒應該醉醉地了，哈哈~~

陸叔和sam都係今月生日，澕澕整左個好靚既蛋糕呀~~

好好味添呀！出黎之後梗加懷念玩金庸的時候~~

初初係胡爺佢地叫我玩...最後我都沉迷左落去，

黯然消魂掌....我既絕招，古墓派第一位，

唔知碼頭係邊，係咁俾人打死，一齊幫我做任務，試過玩到好夜第二日冇返工，

陸叔有情人終成眷屬，好多好多....仲有識到一班朋友，金庸既老公啦，我都掛住架~~哈哈

個段時候都真係幾開心架~~~突然之間咁感觸既...哈哈~~~

多謝陸叔俾我既wellcome印花呀！