下午去左做facial，夜晚約左mabel食晚飯，

舊同事話我過住闊太既生活，

我都覺得好似，但唔係闊太而係窮太，哈哈~~

mabel我支持你架，你決定咩都支持你！

點解有d人好好運？有d人就唔好運？

我既運係我自己放棄左？定係仲未黎？定係我冇乜運呢？

我覺得三樣都係....

夜晚屋企又有曱甴呀~~~~好似大過琴晚個隻架！

阿銘打左好耐都打唔到，佢實在走得太快啦，

曱甴你走啦，唔該你啦，我屋企冇野俾你食架！

訓到好遲，起身食野後，

就繼續睇<豬影忍者>，

夜晚諗住訓覺去洗手間，點知有曱甴呀~~~

好得人驚呀！！以9秒9速度即刻入房訓覺！

又落雨，好麻煩啊！

去左深水埗整psp，唔知咩壞，唔知幾時有得攞，唔知幾錢，希望快d知道啦！

後尾去左港威睇<加勒比海盜：魔盜王終極之戰>，

票價好貴呀，成$75一張，假如間間都咁貴，總之睇第二間好過，

我覺得上一輯好睇d，好笑d，唔知仲會唔會有第4集呢？

johnny depp真係越黎越鍾意佢，佢之前做親d戲都好好睇，

睇報紙講話做完都唔好走住，片尾仲有野播，

等左好耐，點知播個段野一分鐘都冇，勁攪笑！

睇完去左<一壽司>食晚飯，10點後話半價就試下啦，

個軟殼蟹炒飯好好味呀，食到我地勁飽！