今日又落大雨，攪到又遲到，

真係好悶啊，究竟轉唔轉工好呢？

天秤座既我又出黎啦，唉~~

想轉，因為覺得好悶，冇野學，有時做d野又好難，有時又好無聊，

唔想轉，因為覺得人工高，福利都ok，最緊要5天假喎，

今日阿head都問我係咪好悶，話月頭就係咁，

lunch去左<潮樓>食，因為公司有2個同事生日，

食左$80好q貴，不過lunch請番我地食甜品，

叫左<多芒小丸子+燕窩>都幾好味呀，

不過好凍，凍到牙都震，又唔知肥幾多磅，

小塋問我做唔做姐妹呀，好開心呀~~

可以同埋佢地一齊做姐妹，見到朋友搵到個好歸宿，真係好開心！

今晚裝香港寬頻啦，唉...但最後都係裝唔到，

真係要拉線架，個sales又話唔駛！！

wii無望了...

放工約左班姐妹一齊去食飯，

去左H2O買護膚品，好貴呀~~~買左好多野呀！

晚飯去左珊瑚堡到食，食左好豐富既扒餐，

之後又去左間餐廳食甜品繼續講女人野，

食左香蕉船....好好味啊！

不過我真係好飽，又唔知肥左幾多磅添！

返屋企個時仲要落大雨~~~

lunch約左林靜茵去食漢堡包，之前出黎食飯大家都話好想試下，

就約左佢今日，嘩~~我食左芝士煙肉雞扒包呀，

d薯條真係勁粗，不過成$61一客呀，真係一個月先可以食一次，

睇下個包真係超大個呀~~~食到我勁飽，

不過女仔食真係要唔顧儀態先得，

因為我一路食d汁一路係咁流，攪到隻手污糟晒，

大啖大啖呀~~