起身已經好晏，去左數碼通換部$0手機，

仲諗住即刻有得玩，點知冇貨！冇得玩lu~~

係扭蛋舖見到個男人為左蛋蛋而報警，真係超攪野，

因為佢扭到自己鍾意既，但點知係爛喎，

店員只係肯賠償，唔係賠隻玩具俾佢，所以佢發爛啦，

我都明白佢既心情，扭到自己鍾意既都幾難架，

佢賠番錢但又扭唔到原先個隻，即係要冇多$10，

不過佢又誇得制囉，攪到要報警，唔知最後點呢？好想知道啊！

夜晚睇左<每當變幻時>，我覺得好好睇呀，

楊千嬅要係30歲前找到自己值得嫁既人，30歲真係一個幾可怕既數字，

25已經好可怕.....初時佢覺得陳奕迅唔係值得嫁既人，唔想要咁既人生，

最後當佢覺得陳奕迅係最好既時候，但佢已經結左婚，

全部都係時間既問題，如果早一步撞番佢，就可以再係埋一齊，

點解要試過其他人先知道佢係最好呢？

今日係回歸10週年，咁就10年啦....

10週年睇呢套戲，都幾有意思呀~~

連續放3日假~~好開心啊！今晚去mabel屋企打邊爐，

主要目的係和mabel結婚時的兄弟姐妹一齊看結婚video，

仲睇左好多mabel細個時的相片，mabel個時真係超攪笑，

靜宜，大孖，細孖，小塋，仲有我都超攪笑，

個o個都好薯麥，哈哈~~

但睇番d相個個都係越黎越瘦，越黎越靚，

而我就係退步緊個隻，越黎越肥，越黎越醜....唉...

後尾一齊玩wii，好攪笑，攪到我勁想要。

去左派糧單，見到公司原來真係好多人，

lunch又出左去，食<和花亭>好q貴呀~~

6個人去食，每人食左$87.....

後尾諗番其實我只係食左兩件壽司，一個手卷和一碟海草咋！！！

頂....$87....但我又食得飽喎...真係攪笑，

成日都無乜點做野，狂玩msn....咁都好過中眼訓既...

但真係幾悶...