好早起左床預備今日的旅程，去到沙田等埋阿釗車我入去白沙灣，

食下野等埋其他人放工一齊入去沙灘啦~~今日真係好熱呀！

因為今晚要去街和肥既問題我拒絕左落水玩，

同fannie一齊坐係度傾下計，但我都曬黑左呀><點解！？

沙灘d水真係好清呀，睇落去都覺得舒服呀，

游到咁上下去左隔離bbq啦~~

但我燒左一陣就要走lu，因為夜晚約左人去飲酒，

不過真係玩得好開心呀，下次再去希望我可以著到靚靚落水，哈哈~~

但原來唔落水既我都好污糟，成身痴林林，唯有去姐姐屋企沖個涼，

今晚見番d舊同事好開心呀，好耐冇見到阿茵啦，

冇做之後都係見過一兩次，好掛住你呀~~~仲見到好耐冇見既nick哥，

不過後尾發生左少少不愉快事件，但最後都無事，總算有驚無險，

成5點3先返到屋企...好耐未試過咁夜啦...

下次記得再約出黎去卡拉ok啦~~~

lunch約左delhi食飯，去左食<台灣牛肉麵>，

食左最傳統既牛肉麵啦，好想試下燒味飯呀，

delhi唔俾人食，下次要再試下，

今日上半天好得閒，因為阿head請左假，

仲以為佢下午都唔返，點知返左黎....

返左黎我都係無野做啦，6點就準時走lu~~

去左天然染髮，佢話宜家有個<白髮變黑髮療程>，

會係頭髮度注入精華素，慢慢白髮就會變番黑髮，

攪到我都有少少想試架，但又係要用錢...我又驚會唔好喎..

一陣生乜生麥咪幣=.=不過最後都買左2支洗頭水.....

今晚<緣來自有機>大結局，呢套都幾好睇呀，用環保做題材真係好少見，

下套<強劍>應該都會好好睇~~~

起身又肚痛，從mabel屋企打邊爐返黎就肚苛到今日，

所以請左假冇返工，訓到下午4點半先起床，但仲好累，

過左山景睇醫生，醫生話我訓得唔好和早上起床想嘔，

係因為情緒問題，究竟我係咩情緒呢？

好難答....總之好累...今晚又係早d訓好了.....