成個下午都無乜點做過野，因為公司要裝多層櫃...攪到公司不見天日，
出面落雨定晴天都唔知，唉....
上年開始我身體越黎越差...都唔知點解....
我記得上年有一次腸胃炎有痾又嘔，足足病左4日，唔知係咪因為呢次既關係呢？
(唔通關犯太帥事?)上年同今年真係冇一樣野好過， 樣樣野都唔如意，
究竟我有冇事呢？？我真係好驚...
是不是明天會更好..？

今日過了愉快的一天，2點先起身，訓得真好，不過有d熱... 出住成身汗黎訓覺，
夜晚睇左<我係金三珣>大結局，真係覺得呢套戲好好睇，
我有三珣咁肥(男朋友話我仲肥過佢)，好似佢咁減唔到肥，
但點解我冇三珣咁開朗架??我想好似佢咁開朗...咁就唔駛成日諗埋一邊啦....

終於到左星期日，以為可以訓晏d，點知11點半就醒左 爸媽今日返左大陸拜山，
所以冇人同我爭電視睇，睇左<林海峰是但up>，開頭都幾悶，中段開始就幾好笑。
等男朋友電話一齊去買單車....一個唔識踩單車既人....去買單車... 點解一定要我踩單車減肥喎><
唉..如我所料都係唔識，仲要鬼死咁熱，希望流個d汗都可以減到d啦...
沿途見到d細路踩得勁好，個細路仲要望住我串我咁..=.=
冇令男朋友失望，最後終於有番d成績，踩到一段路仔呀，但都係好驚跌到，
我知道啦..扶手要輕d，唔好咁緊張麻，要平衡麻，男朋友我知道點做，但要做到先得架..唉
返到屋企睇，我兩隻腳夾埋瘀左5撻呀 夜晚食左勁多野，今日踩得咁辛苦為咩=.=
....屎忽好痛