今早唔知幾點比人叫醒左.......之後入左馬鞍山同亞ma飲茶。

我同老豆同亞媽去到果間茶樓之後,搵左好耐先搵到,我姑姐上左大陸睇住佢間廠,冇時間睇住亞ma。所以佢就請左個工人,本來我唔知架,但係今日見到有個陌生女人同我亞ma一齊先知.......

之後我地飲完,同亞ma講掰掰之後,我地老豆,亞媽就行左一陣新港城,我地去捨車果陣見到一間bossini,亞媽話入去睇下......

之後佢買左兩件3比我.......之後去左等車,等左一陣就有車啦,之後我同老豆返左屋企,亞媽就自己去左中心行先,我返屋企拿返D野就落去搵佢。

之後我同亞媽再去買褲......買左兩條.....之後行百佳,跟住唔知去左邊牙....

之後返屋企,煮晏食.......之後都冇咩野啦,我係到玩電腦,之後夠鐘睇Keroro啦,笑死我牙....睇完,之後我係沙發訓左一陣,訓到食飯,今日有蟹食牙.......

今日本來唔洗返學o既.......但係ms chan琴日叫我地返泥練歌(因為我地要參加歌唱比賽)。琴日泰林叫又我地今日返去幫手整送比校友o既禮物.......

咁今早我要返10點,咁我同老豆同亞媽就去左新果間野飲茶,我地仲見到一個勁野蠻o既肥女人tim,我真係勁想打佢牙,佢話我老豆喎!!!!咁之後我地冇理佢,之後我地飲完茶,亞媽就同我去左返學,老豆就返屋企。

我地去到學校附近,係對面馬路見到KW,Yuri,Joanne同Goria,佢地見到我,KW即刻由對面馬路跑過一條天橋,走泥我呢邊搵我。果時我覺得有2分感動同2分愕然架........一個完全冇體育細胞o既人.......竟然........(喊緊......>.<")。

之後我地就入左去,之後我地坐左一陣,冇lala有人打比我,原來係crysral,佢問我係途,我話我係學校啦,佢話佢返緊泥,叫我係學校門口等佢喎,咁我咪叫埋KW一齊去等囉。

之後我地一齊去左搵ms chan同ms lau,ms lau叫左D人開門比我地。之後我地上到去,D miss都未泥,之後我地班D人就作反啦,有人聽MP3(我囉),打電話(又係我囉),咁之後ms chan泥到,D人就好快咁坐好。

之後我地就練習啦,跟住入hall練,之後我同雷2就上左家舍,本來諗住出去食左晏先o既,但係雷2話想快d整好先。咁我話OK,之後我就落左15號房搵柳紫,之後再同雷2,芷晴一齊上去家舍。

上到去,我地一齊整果d禮物,之後整左一陣,陳家明都泥埋,柳紫話費事佢整得樣衰,所以唔洗佢整牙。咁佢就坐係沙發到發牛豆,等泰林泥同佢練司儀,孫少返左屋企,未返,所以佢好悶..........

唔知幾時,雷2就開始同佢串嘴,仲玩到入房tim(唔好諗歪......),咁我咪close左佢地道門囉,kaka,玩佢地......咁雷2玩左一陣就冇玩,之後我地又整左一陣,孫少返泥啦,仲換左3 tim,佢件3都OK牙......幾好睇....

之後孫少,陳家明,泰林同另一個女仔入左房練司儀,我地就係出面整埋D野,我地整完,我啦,雷2,bo雞,亞水同芷晴就係到玩,之後出左去食M記。我打比亞媽,問佢係邊,佢話佢同老豆係樂富,我話我同佢地食完野之後再去搵佢,佢OK。

我地一邊行,一邊傾計。去到M記,我食完,佢地未,我走先。我搭MTR去到樂富,我去到,搵到佢地,之後我地行左一陣,亞媽去搭MTR去黃大仙中心,我同老豆搭小巴返屋企。

返到屋企附近,見到人係到拗交,之後我地就返屋企。一陣之後,亞哥話去還漫畫,我同佢一齊去,不過我地去左圖書館先,我地係圖書館好耐,我地係到玩。之後我地走人啦,再去還漫畫,還完我地就返屋企。

返到屋企睇Keroro,睇完,三家姐叫我陪佢落去整眼鏡。咁我咪落囉,之後佢仲請左我同亞哥食雪糕tim,我地一路行一路玩,笑到我牙.....之後我地去左租碟,租完就返屋企啦.....

之後都差唔多食飯lu.......

今日又係要派卷,第二日啦........今日派IS,中史,maths同中文。

今早又係食早餐,之後返學,又係集隊,之後又係上課室.......(悶.....日日都係咁)。

之後第一堂係對IS,我IS 61分牙(都OK啦對我泥講....),好快之後,打鐘,之後對中史,我中史本來70分架,但係有一題ms lee改錯左我(姐係要減分....)咁我就出去同ms lee講,佢話我乖,佢問我有冇得係其他地方加返,我話冇,但係佢睇下睇下,佢就幫我加左3分,姐係宜家我有71分......kaka,我愈泥愈中2 ms lee啦。

之後小息,之後對中文,得一份唔合格,就係速讀小測啦。其他果D唔想打啦.....kaka(唔係因為差牙.....)。

之後又小息啦,之後就對maths,頂,差一分牙,但係ms fung話我成績表上面唔會有紅色,咁都好D.....

之後放學,要去樂陶小組,泰林叫我地上5樓搵柳紫,咁放學,我啦,雷2啦同crystal就一齊上去。上到去,見到泰林,孫少,陳家明同吳旻A一齊出去買野比我地食(肯德基牙)。咁我地D女仔就係果到剪野,話用泥整禮物比D校友喎。

之後整左一陣,D男仔返泥啦,之後我地去家舍食野,之後食完,我地玩左一陣,之後又開始做野啦。我同crystal去左電腦室打字幕,打打下孫少,泰林同陳家明泥左,跟住又走左.....一陣之後,aggie又泥左.......之後我地整好啦D野,之後我同crystal就返家舍,之後講好曬D野就返屋企啦......

今日係第一日派卷,本來就放10點幾o既,但係後尾搞到12點幾先走得。點解?睇埋落去啦。

咁我就照常食早餐,之後返到學校,之後集隊,之後上課室開始對卷。第一堂係對英文,我D成績.......唔....OK啦。

英文Paper 1(Writing) 53.8分,Paper 2(GE) 55分(全組28個人,得14個合格炸,yeah!!),Paper 3(Listening) 78分(都OK啦~),考默呢.....就96分囉(最易牙嘛!!)

之後小息,我啦,KW啦,Yuri啦,Joanne同李芷欣就去左搵ms chan比結婚禮物佢,Joanne就比左一張卡同4隻公仔佢,李芷欣就比左一枝筆同一份拼圖,而我就比左亞媽串o既6枝花比佢,ms chan好開心牙。

之後就對普通話,我58分(岩岩好....kaka)牙。之後對完,Ms lau叫我地留低一陣,之後派校刊果D囉,之後佢叫孫少同我派另外D野喎(因為我坐第一個位的)。之後我慢慢派,點知孫少已經派完lu,仲叫我快D tim(串嘴牙)。

之後ms lee又泥派人文科d禮物,我都有牙(一個file同一枝筆)。之後ms lee走左啦,ms lau又話唔走得住,佢話果個賤人李玥(賤人係我加架)唔見左錢,搞到ms lau要留我地搜書包,好彩佢睇唔到我部電話姐.........

之後12點幾,我就走人,去到課室門口,泰林話聽日要樂陶小組。之後我卜3走啦,打返屋企,亞媽叫我返去先。

返到屋企,亞媽話不如去試下新開果間茶樓啦,本來我都唔想架....但係冇計啦(唔想比人話牙)。之後去到,D野都OK,食完之後我同亞媽同老豆行左一陣,之後我地就返左屋企,我坐左一陣漫畫,之後就睇Keroro(電視),之後我同亞哥去左還書。

之後就返左屋企,食飯...........

今日係我考試之後第一次出師父到,一出到去,師母見到我就問我琴日做咩唔去。我就話我有功課未做完(其實係假架,kaka)。咁師父見到我,佢就叫我同D細路去隔離先,一陣之後,師父過泥,叫我帶佢地做熱身,佢就去教果兩個新人(有一個鬼佬牙,好鬼高架)。

咁我地做完熱身,之後就做左好多野,之後我地練打鼓。之後亞媽話係時候走,叫我去換3,之後我,亞媽同慧慧一齊去搭MTR返黃大仙,但係家姐約左我去鑽石山等,之後我地係黃大仙等埋老豆,之後一齊去鑽石山,因為老豆同亞媽去食野。

之後我啦,三家姐啦,亞哥啦,二家姐啦同哥哥啦一齊去左食野。一坐低舅父仔佢地就泥左啦,我地食完野,之後去搭巴士,坐左大約一個小時o既巴士之後。到啦,好開心,一去到,有好多人,我地去換3,之後我地搵左一個好陰o既地方,但係三家姐話冇乜太陽,之後我地就去左一個多D太陽o既地方,之後家姐佢地去買左沙灘x,之後我地出左去玩,玩左一陣,我表弟整親,流血,我地叫佢唔好玩住,之後佢去左包紮,之後自己一個去左堆沙,之後我地個個都唔玩,去左陪佢。

之後哥哥話去捉蟹仔,點知佢同二家姐自己去左。之後我同亞哥就係到玩隻蟹,之後玩玩玩,最後5點幾,我將隻蟹仔放生,之後就去左沖涼果D囉。

之後我地就搭巴士返屋企,之後我地返到屋企,老豆同亞媽就煮好飯係到等我地啦。之後我地搞好曬D野,我就玩電腦,但係三家姐話想食野,叫我同佢落街,咁我咪落囉,我地一路行一路玩,好好笑牙,之後返到屋企,一邊食野一邊睇電影.......

之後就去左訓啦,冇野啦!!!!