今日要考中文(卷五,咁我就食左早餐,返學,考完,放9:30,我打比亞媽,佢叫我去搵佢cut頭髮,咁我去啦,搵到佢,之後去左剪頭髮,cut完,呢次OK啦,但係都係上次好D.......

返到屋企,D頭髮碎搞到我好唔舒服,所以我去沖左個涼。之後我坐左一陣,柳紫打泥,話28號放左學之後12點入家舍,之後我去左煮個公仔面食(又係我煮牙........)。煮煮下,老豆話好熱,開左冷氣,正牙!!咁我溫中史啦開始,溫溫下,亞哥開電腦喎,咁我咪叫佢幫我on埋啦。亞媽去左訓,我偷偷地咁玩,點知比亞媽見到,佢話我,但係我冇理佢,照玩,kaka。

直到食完晚飯,可能係因為我琴晚成日訓唔到,所以今日成日都好累。

今早又係去左飲茶,飲完之後亞媽問我去唔去百佳........(又去.....我緊係死都唔去啦,kaka。)我話唔去,咁我就同老豆返屋企,返到去,我玩電腦,大家姐同亞哥都未起身。三家姐就起左,佢係到飲茶,一陣之後亞哥都醒埋,亞哥自己去左食野,大家姐叫我幫佢落去買野食.....我緊係唔去啦......

亞哥返上泥,三家姐話不如落街行,亞媽都話好,咁我咪落囉,我啦,亞媽啦三家姐同亞哥一齊去左食野....食完野之後行左一陣,我同亞哥一路行一路玩,點知比亞媽話,kaka......

行完,我同亞媽返屋企,亞哥去左租CD,我自己去煮左個公仔面食,同亞哥一齊食,食完我洗碗。洗完我溫左一陣書之後幫亞哥打功課,超好笑牙,我係佢份功課最後加左very good,right? o既字牙.......我亞哥冇理我,kaka......

跟住我玩左一陣就食飯啦....食完飯,就做家務....之後就打日記同玩電腦~~

哇~琴日晚上睇返巴西對日本果場......日本個龍門好冇品牙.....唔夠人勁就吐口水。結果4比1,巴西大勝日本!!!!

好啦,講返今日。今早比人嗢左去同亞ma飲茶,我地搭巴士去馬鞍山......果間唔知咩咩茶樓,去到,姑姐同亞ma已經到左啦,咁我地就叫野食.....食完,走人,搭返巴士返屋企.......

返到屋企,我玩電腦,美化下個日記先.............(kaka)。整到咁上下,亞媽返泥......叫我溫書,我話,得啦,食完晏先啦。佢就冇理我,走左入去煮蕃薯糖水,ya,正牙......仲要係紫心架tim,我食左一碗......我溫書,電腦比亞哥用。

一陣之後,亞媽落左街.......亞哥用完,我溫完書,我用電腦,亞媽打泥問我地食唔食野,我地話好,之後佢就買左野上泥比我地食。食完之後,亞哥去左買game,我一直玩........玩玩下,有人打泥.......原來係舅父仔,佢話泥食飯....

一陣之後,我去左沖涼,舅父仔佢地就泥左啦。之後我地就食飯,食完之後我地係到玩,睇電視.....我表弟問我同我亞哥個msn係咩我地咪比佢囉.....真係估唔到佢有msn......8:30,有野豬睇啦,正啦。睇完野豬就等睇電車男(我已經睇曬架啦,不過睇多次都好。),之後就去左訓啦。

今日要考試......放早,放10:05。今朝一早,六E打電話泥,約亞媽去飯茶........亞哥放9:30,早過我.....

我放學,打比亞媽,問佢係邊,佢話同六E係百佳,不過就泥走啦,佢約左我係邊到等之後,我好快就到啦。跟住同六E去左搭車.之後亞媽問我晏就食咩。我話唔知,跟住佢話不如上百佳睇下有咩買(又上....??我對百佳有恐懼架喎....)。行完,跟住返屋企......點知去到屋企附近......見到部車上面有好多狗o既公仔,我o既眼神入曬去D公仔到......XDD......點知車上面果個人係到向我揮手喎......咁我望下啦......原來係葉沛康(步驚魂)泥架....亞媽同佢傾左一陣,我地就走啦。

返到屋企,三家姐係到睇TV,亞哥就玩電腦.....我坐左一陣,亞哥比左部電腦我用,玩左一陣,亞嘉on喎,咁我咪add佢囉,我話比佢聽我要去樂富,佢話佢宜家係樂富(佢婆婆屋企),叫我食完野上去玩.......咁我就係咁比佢拉左上去,佢係ok到等我......

上到去,玩電腦,佢幫我整左呢個日記,佢想幫我整隻MERO架,但係搵唔到個語法,佢話搵到先再整喎。5點幾,婆婆話買野比我地食,我食食下老豆打泥,話叫我返去,我話,得啦,就返啦.....6點幾......亞媽打電話泥叫我走.....咁我咪走囉。

返到屋企,食飯,沖涼,玩電腦......