今日我本來要去巡遊架(因為7•1),但係太熱,我就扮有野做,唔出(kaka)......如果出o既話就要6點幾起身牙,想我死咩,li兩日唔洗返學都好晏先訓。

咁我今早9點幾先比人叫醒,我問亞媽係咪唔去飲茶,我明明聽到佢話係架,但係我見到佢地個個都換曬3,我咪問佢地去邊囉,亞媽話去飲茶喎。我話,下,唔係唔去咩.......但係最後我都係去左.......

飲完茶,我啦,老豆同亞哥就返左屋企,亞媽就去買野煮飯,亞哥話佢要用電腦喎,咁我咪係沙發訓左一陣囉。點知亞媽野沱搵我,佢話如果淨間有人打泥,佢叫我拿野落去MTR station比果個人喎。咁我咪話得囉,點知亞媽返泥,果個人都字打泥........後尾打左泥啦,亞媽都仲係要我同亞哥拿落去比果個人。三家姐又話想去圖書館,我同亞哥又要去租書,咁咪去囉。

咁我比左d野人,我地就去租書。哇,果到d態度勁差喎,叫我比身份証明喎,1佢唔信我係女仔牙........頂佢,佢係咁係到睇住我喎,佢仲叫我下次去帶返身份証去喎,帶咪帶,驚佢牙,佢仲寫錯我個名tim牙........咁我地租完......走人啦。我地就一路行,一路係到講佢d態度差囉。

返到屋企,二家姐知道左之後,佢就話,我淨間同你一齊落去比張身份証比佢睇(佢順手食埋野)......咁我地落到去,比左身份証佢睇.........佢都仲唔信喎,係到望望下喎......頂佢!!!!

咁我地之後就去食野,食完,我同亞哥同三家姐就去左租CD,二家姐同佢bf就去街。我地租完CD,三家姐話想食雪糕,之後又屈左我請佢食(==唉)......之後返屋企睇埋我果兩本Keroro,笑死我啦。

之後食飯,睇野豬(正!!),之後收拾聽日去沙灘玩D野(果時做緊老馮日記,悶死人.....)。之後睇電車男(雖然睇過.......),之後就睇左一陣Keroro,就訓啦。

今日約左Kelly,Katie,Buby,Annie同yanyan返慈天。

今日我照同老豆亞媽飲茶,落樓果陣見到後門有人跳樓,去果時見到有野蓋住,飲完,之後亞媽又去左百佳,我同老豆返屋企,返泥果時見到一灘血.........返到屋企,我緊係玩電腦啦,老豆去左訓,我係咁玩,玩左一陣,亞媽返泥,坐左一陣間,Kelly打比我,佢話佢出門口啦,咁我就開始換3啦,亞媽同我一齊去小巴總站到等。

去到,Kelly同yanyan已經到左啦,Kelly買左打半西餅上去比D老師。等左一陣,Katie都到左啦,咁我地等車泥,一齊上車,我地一路搭車一路講笑。上到去,見到Buby同Annie係到等我地,我地一齊去,去到,D學生未放學,但係我見到莊文傑,佢故意唔開門比我喎,我咪話佢囉。

夠鐘啦,我地入去,見到好多小朋友,咁岩撞到Gemini接佢個妹,我見到肥仔牙,佢認得我牙(好開心牙),咁跟住我見到彭老師,佢同我地講左一陣野,之後走左,我地問廖副校長問佢畢業禮我地可唔可以上去,佢話要睇下我地有幾多個人,到時再同佢連絡喎。

咁之後我地就上左7樓,我地逐個逐個老師去講野,不過我地見唔到ms wong,吳老師同丘老師牙,D老師話佢地出左去食飯喎。咁我地由7樓行返落去地下,去到唔知幾樓,見到趙老師係到,我地同佢講左一陣之後就去左食晏。

我地問Katie果到有咩好食,咁佢就帶左我地去一間類似大排檔o既野,我地入到去,好耐先諗到食咩,果到D野好正牙。

咁之後我地就慢慢行返慈天,返到去咩人都冇,等左一陣,D老師先返。彭老師見到我,佢話我咁耐都未走,又問我食左野未。我話食左,食完又返泥。咁佢去左開會,佢地要由2點30開到6點牙,真係慘牙。

之後我地就走啦,2點幾......去邊呢??Katie話不如去Mc當奴坐下,咁我地去到,坐左一陣,我同Kelly買左一杯雪糕食,之後影相,影完之後就走啦。我地行左去搭小巴,我地講左好耐,話去邊個屋企,我話去我屋企,yanyan同Katie唔去,Kelly泥。咁我就打比亞媽,佢叫我去拿Key。回知我同Kelly返到屋企,亞哥同老豆已經醒左,咁我地就玩,玩左一陣,亞媽詔去買野返泥比我地食,咁我地食完之後又玩左一陣。Kelly婆婆就打電話泥叫佢走,婆婆叫我送Kelly去到地鐵站,咁我就照做。

我送完,返到屋企,沖涼,玩左一陣電腦,食飯,整野,玩電腦(kaka),之後11點幾p.m.,老豆話同我落去買野食。我地買完,返到屋企,我沖左身,之後食野,之後Kelly話睇緊波,淨間add我喎。

又post相.......

琴晚係家舍訓唔到,訓左之後又醒返,至到3點幾先訓到。第二朝7點幾,我係最早起身果個牙,我起左身,見到Joanne同KW都未醒,咁我就唔叫醒佢地啦。咁我打比亞媽,睇下佢地點,亞媽叫我淨間走先打比佢喎。跟住Joanne同KW都醒左啦,我地本來諗住再訓o既,但係諗諗下,淨間刷牙會有好多人,所以我地就刷定牙,換定3先啦。我地係到刷牙果時,咁岩柳紫走泥叫我地起身,咁我地搞掂,就去幫柳紫整野啦(係咪好乖呢!!)。

咁我地OK曬啦,開始食早餐,食完早餐,之後我地就收拾床單,掃地果D啦。我地每間房要搵一個人出去掃廳,我地叫左KW出去,kaka。但係我地都要幫KW拾埋佢張床單,我同Joanne咩都OK啦。之後KW都入埋泥啦,柳紫就比左一張問卷我地做,做完,比返佢,之後我地坐左一陣,之後就走得啦。之前打比老豆,佢已經到左學校附近啦,咁我就行得好快,我冇等Joanne同KW牙。

我行到出去,見到老豆係到,之後我同佢去左飲茶,飲完,亞媽去左百佳,我同老豆返屋企,我就緊係玩電腦啦,玩左一陣之後去左洗白白,之後老豆去左訓覺,我玩左一陣電腦亞媽就返泥,之後佢整好比ms chanｏ既結婚禮物之後就走左去煮晏就食,食完晏,亞媽話去深水x,我話唔去,我留係屋企玩電腦,亞哥去街,我自己幫亞媽洗好D碗,玩電腦........

跟住唔想打啦,都係果d啦.......

我地係家舍影左好多相:

今日係補返一日比我地去家舍,因為上次打風,所以補比我地.........不過得一日炸......都OK啦。

今日係考IS同中文listening,考完10點幾,但係12點先有得入家舍。Joanne話不如去黃大仙地鐵站OK搵佢姑姑,我同KW橫點冇野做,咪同佢去囉。Joanne同純純行先,我同KW拿返D野先走......我地跑,好彩追到佢地姐。

去左OK,我地買完野之後就去左KW間shop,坐左一陣,仲見到Joey,Angela同一個無謂人tim,坐到11點幾,我地開始行返學校,返到去,我地見唔到有人,我地就去拿D行李,上家舍,經過圖書館,我地入去,見到臭Be,Kaman同Angela係到玩電腦,我地都玩左一陣,之後就上左家舍。

上到5樓,家舍門冇鎖,我地入到去,見到柳紫係到煮緊飯,我地擺好左d行李,之後坐左一陣,D人都開始泥啦。泰林泥到啦,同我地講左D野,就叫我地去整床單果D野啦,今次又係我地最尾........我地搞點,出到去,見到佢地坐曬係到等我地,kaka......

咁我地坐低,泰林比我地睇左D山區小朋友o既片比我地睇,之後就叫我地講下邊一個片段最深刻,咁我到個個都講曬啦。之後開始食晏,食饑饉餐,本來我唔介意o既,但係呢個唔係一般o既饑饉餐,而係殘廢饑饉餐,姐係泰林派一D卡我地,收到邊樣你就係邊樣。我同KW都收到雙手殘廢,Joanne就健全牙,咁我地就叫Joanne餵我地食啦,點知佢唔理我地,自己食喎......跟住好彩有Kaman幫我姐,Joanne最後都有幫KW,但係搞到好好笑,搞到KW成身都係飯牙,kaka。

之後食完,我地就分工洗碗果D。劉家俊都泥埋,我地搞點曬D野,泰林去左開會,得返劉家俊係到,我地有一個鐘自由活動時間牙,正!!佢地有D人就係到玩UNO,但係我地唔想玩,我地就係房到玩,我地扮訓覺,又用手提影相,又傾計,好好玩牙,後尾我地玩到悶啦,就同佢地玩左一陣UNO囉。玩左一陣,之後泰林返泥同我地去玩攀石,上到6樓,原來劉家俊一早上左去準備,咁佢地教我地玩,教我地做安全設施,之後就開始啦,我揀左中間難度果條線,上去之前要宣誓架「我(乜乜名)願意接受攀石o既挑戰,你地支唔支持我牙?」(好笑牙)咁我好快咁上左去,我自己都冇諗到我會咁快,落泥果陣D人拍手掌,其實我覺得係上面好好玩,好安全,根本唔洗驚,但係有個人驚到喊(邊個我就唔講啦。)。Aggie同Joanne都傻架,玩完又玩........

我地全部人都玩左一次啦,跟住泰林要我地蒙住對眼上去,我開頭好驚架,好彩有好多人都有比指示我姐......好好玩牙,玩完之後,我對我D同學更有信心啦。

D人玩完又玩,玩到6點45分,秦林叫我地落去沖涼,準備食飯。我地落到去,又1號房開始沖,我地4號房(姐係最後果間......),所以我地冇野做,我地就幫柳紫手整餐具。到我地沖啦,我地沖完,出到去,又係全部人等我地3個,我地3個之中,我就最快坐低,KW就最慢,我地13個人分開兩張桌子坐,我地果張得6個人,係食之前,柳紫比左一段講餐桌禮儀o既片比我地睇,睇完之後比左一張w.s我地做,做完我地就開始食啦。前菜係沙律,有好多青瓜,但係我都食曬,湯係粟米湯,仲有一個法包,主菜雖然唔知係咩,但係好正,跟住係甜品,係布丁泥架,餐飲就係凍檸水......食完之後,又係要幫手掃地果D,我地搞點曬D野,之後有兩個鐘頭o既自由時間,正牙。

我地係到玩UNO,我win左3局牙。yeah~~我仲飛走左臭Be對拖鞋,佢仲用佢對拖鞋泥打我tim。(爆笑),跟住10點啦,我地夠鐘訓,本來我地講好左唔訓住,一齊玩一陣先架,但係唔知點解我好想訓,我又諗如果咁早訓咪好對唔住自己(kaka),咁我就叫醒Joanne同KW一齊食野,食到咁上下,我地走左過去2號房,佢地未訓,我地入去,嚇到佢地牙,佢乎以為係柳紫牙,kaka。

咁我同Aggie就話用電話講,等晏D柳紫訓左先叫佢地過泥玩,我地係等o既時候,我地3個用電筒照泥照去,差D比柳紫見到,柳紫入泥,佢話知道我地係到走泥走去,kaka。我地冇理佢,我地就打比Aggie,叫佢地過泥,我地係到玩UNO,玩左一局之後唔想玩,轉玩Berr,玩玩下,Joanne話好攰,想訓,我都有少少o既,咁跟住各人就訓啦。我訓下醒下咁,我醒左就叫醒KW,kaka,係咪好衰呢~~

今日考中史,朝早食左少少野之後就返左學,放9點幾,考完之後,miss周叫我地上去拿返個雜誌架,我地上左去,拿完,走人,跟住我同joanne同kw一齊去搵柳紫,問下佢聽日點.......問完之後,我地一齊走,我就打比亞媽,亞話佢同D EE傾緊計,問我去唔去搵佢,我話去,咁我同kw佢地一齊去到,點知kw間shop未開喎,都唔知佢點算......佢話唔洗理佢,咁我咪上去搵亞媽囉。上去,我食完野啦,亞媽同我去買聽日家舍o既,買完就返左屋企啦。

晏就我又係食公仔面,食完我就溫左一陣IS,之後收拾聽日家舍d野.....之後我睇左一陣書,睇TV,之後食晚飯.........

所以今日真係好悶牙!!!

唔知點解我今日好想Post相牙。