| |
|
|
| 我 的 資 料 |
|
|
| |
| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
| 最 新 日 誌 |
|
|
| 我 的 相 簿~ |
|
|
| 訪 客 留 言 |
|
|
| 我 的 好 友 |
|
|
| 我 的 連 結 |
|
|
 | |
|
|
|
2005 年 9 月 27 日 星期二  |
|
| |
好耐冇寫  | |
|
由上次開學前夕開始, 都好耐冇寫喇, 返學都去到week 3咯, 依家先黎寫真係好鬼懶呀我!
其實有2日都有寫過架, 但係都upload唔到, 唔知做咩呢, 咁我又format左部腦喎, 所以咪咁耐都冇鬼寫到囉~
返學果度都冇咩大問題發生, 上到去year 2 d野真係難左好多呀! 但係我覺得今年d miss阿sir幾好喎~
英文miss就一定好過上年果隻talex啦! 至少上english堂都冇上年咁悶已經好好啦! 呢個miss都正常番d, 至少暫時未比我見到佢著T-back先啦!
amy今年都有教我地, 佢教org.chem, 上年佢d notes可以話係useless, 今年好好多喎~又係正常左~我都有心機d聽佢堂~可見佢今年都冇上年咁悶~不過d同學仔都係話佢悶呢~我都唔係好覺喎~最惡既miss bessie都有教我地呀! 佢教mircobio. tech, 嘩, 第1堂比佢鬧到曲街呀> <! 因為果日做lab, 我著左涼鞋....所以佢就鬧我.....係我錯呢....不過佢真係好惡~都好gee, 至少好過biochem果隻vivian啦~果個vivian真係教得好好呀~教到個個未夠15mins連還中死亡~~點解? 我真係想問下佢點解講唔到一句conplete句子, 每一句都總要砍開幾段讀, 佢又唔係痴痢根喎, 點解會咁架? 係咪痴孖根架....好唔想上biochem law....所以逄monday好多人都話day off喇~^^~我呢....就已經編埋果日返pancake tim喇! haha~ 我都唔想架~~
唔講返學, 呢2個禮拜都發生幾多新鮮野gee~
其他野我唔記得, 但係21號d野我記得law, 果日係3個月喎, 點會唔記得呀~?
但係都係第1次炒大穫囉! 點解會鬧唔想再講喇, 但係我想講既係, 2個人一齊係要講個信字, 你唔信我, 我唔信你, 一齊仲有咩意思? 我知係我唔好先, 但係你都要比d時間我處理架....唔係話冇就冇架....我果日真係好鬼忟, 講極都係咁....我都已經解釋左, 道歉左, 你都係嬲既話我真係唔知可以再做d咩, 不過好搞笑既係最後反而我好嬲~
嬲你唔信我, 我諗冇人會鐘意人唔信佢囉~! 每人都想有一個人可以支持佢, 信賴佢, 所以o係你講果句說話既moment我真係好灰.....o係果一日既夜晚, 個穫已經炒完, 可能係我份人好得意, 嬲人唔嬲得好耐就好快唔記得, 我嬲嬲下會諗番好既一面, 咁佢都係緊張我啫, 其實唔係應該開心咩? 之後都冇再嬲lu, 但係唔代表次次都係咁下! 哼!
其實21號既夜晚都可以話係好開心架~因為我本來就諗住去旺角買VS3既, 但係點知間間都話行貨斷左喎!!
上網D人話出番少量行貨架! 我諗住冇咁快賣晒下, 點知真係賣晒 /.\ !! UPSET呀!! 搵左好多間都冇, 旺角果5間百老匯, 4間都冇貨.....咁就好失望咁又去左醫下肚先啦, 又係去左上次果間雲南米線度食啦, 中少辣已經幾好味呢~食完, 諗度行多陣街啦, 見到有間百老匯未問, 順便入去間埋啦, 個sales話賣晒, 我心諗果然係咁架喇, 但係個sales又攞左盒新既VS3出黎話比我試試先喎, 咁我問佢點解仲有貨, 佢話呢D係有人訂左, 咁我就問佢如果我o岩係咪都要訂, 我估佢會話係既, 點知佢話可以賣比我先喎~!!! 嘩!!! 正~!!! 咁我梗係試下有冇問題即買啦!! 咁都比我搵到真係好好彩呀~!! 多謝你陪我搵左咁耐呀^^~!! VS3真係好靚呀, 外型同個MON都超正~! 雖然都係有不足之處, 但係都accept到~開心呢~~
就係咁, 21號就係咁過左~
到22號, 又有事發生喇, 咪又係關某人事.....
行緊先達果陣聽到果句話同朋友一齊陣真係灰爆, fine, 算! 之後佢個好朋友打左咁多次電話, 話返到屋企打番比佢, 都諗到有d野gee, 冇諗過係呢樣啫, 我唔知講咩好, 呢d野, 好難control, 要發生終於會發生, 咁我又可以講d咩喎!我係唔鐘意呀, 我唔鐘意會好坦白講gee..
下次再講啦
| | |
|
|
|
|
|
|
|
2005 年 9 月 12 日 星期一 |
|
|
|
|
|
|
|
|
2005 年 9 月 12 日 星期一 |
|
|
|
|
|
|
|
|
2005 年 9 月 10 日 星期六 |
|
| |
驚心洞嚇+cafe  | |
|
今日又係唔洗返工, 咁咪o係屋企睇下書上下網咁, 過番d悠閒既生活咁law~
唔知係咪呢幾日都唔洗返工訓得多啦, 成個人都好似好tired咁....我都唔係訓左好多啫....
8~9個鐘之嘛, 正常架.....唔通係我平日訓得少....??
到咁上下, 我又要出街喇~
約左ivan同佢班fd去睇戲, 有joe, christie, 成, 米高, 睇驚心洞嚇law
本來話去奧海城睇gee, 因為佢地約左去打bowling, 點知咁好彩個bowling場比人包左喎
所以咪就番christie去朗豪坊睇law, 又係旺角呢.....我今年同旺角都幾有緣....
6點幾我就去左搵佢地, 佢地去左老人坊個food court醫肚先
途中有人致電叫我去一去搵佢地, 我都估到係送生日禮物架喇, 不過冇諗過係tiffany啫!!
真係多謝你喇~好快就返入去搵佢地, 食完就入左場睇戲lu~
套戲都有d驚驚地架....可能係我細膽啦....我真係覺得好核突呀d monster
到完場果陣, 聽最後個片尾曲....果然學某人所講, 個feel好似evanescence喎!!
但係我又覺得首歌有dd pop, evanescence d歌都唔pop gee, 所以果陣我都o係度諗係咪佢黎架呢....
睇完之後, 都係10點多d, 時間尚早, 咁我地就諗住去搵間cafe玩下hea下咁啦
去左好多間, 好多間都冇位呢.....最後去左間我好似o係雜誌介紹過....我記得佢個火車卡....
d環境唔錯呀, 但係杯咖啡唔係好得law, 好在果度都幾多野玩gee~
我地一開始就玩uno, 不過呢隻係最新果隻, 會瘋狂出牌果隻~都幾唔錯呀~玩得幾開心~
之後我地就玩tower~3同4都有玩, 4我都係第1次玩咋, 不過都係3好玩d~
大家都係鐘意玩十字多過h呢~hahhaa~~
玩到12點幾就走lu, 因為要坐尾班車嘛~
今日又偷走左呢....hahha~
| | |
|
|
|
|
|
|
|
2005 年 9 月 8 日 星期四 |
|
| |
| 買手機~ | |
|
今日唔洗返工, 因為今日都係要去補習
一起身冇咩野做, 咪睇下ivan攞比我果套"消防員的故事"law
d畫功好唔靚呀, 但係個故事又幾好睇喎~雖然入面個大吾有時會睇到我幾忟
佢真係好鬼倔呀, 自己覺得可行就去做, 都唔理後果既....
如果我係佢d同事, 我都唔知點好....
明明佢既做法係唔o岩, 冇諗後果, 但係次次佢亂黎, 最後都救到晒d人.....
一諗到唔知點解釋比佢知要用番d正確d既方法比佢我就會好忟....
都唔知點解我睇漫畫都可以咁, 可能我成日睇野都代入d角式啦
講番今日, 睇書睇到咁上下, 就去幫人補習喇, 由6點補到8點
之後就出左旺角喇, 約左rex, ivan同堯去先達睇手機, 都唔係睇架喇, 因為rex話一定會出
9點幾出到去, ivan識人o係先達做, 咁我地就去左佢果度啦~睇左冇耐, rex就買左機lu.....
係sharp既902呀!! 仲要係白色呀~! 我都想要呀> <!!
佢出左又到我好煩喇, 我本來就想出902or vs3, 咁rex出左902, 我冇理由同佢一樣嘛....
但係vs3部機上網d人又話好多問題喎....又甩色又多雜訊咁......
又冇得插卡, 冇補光燈, mp3又repeat咁.....最重要係冇貨呀!! shit!!
點解會咁架~~> <~~
陪rex買完手機, rex就去埋電腦中心買埋張1GB SD card喇....真有米!!
果陣都10點幾咯, 咁我地就去左扒王之王做飯啦~
我又係點肉醬意粉....不過好似冇上次咁好食咁既.....
見到ar rex真係幾開心買左手機, 周不時攞出黎望
仲話番到屋企即刻差電聽日即用~哈哈~
咁又係~出左部新野, 一定係好開心既~我出左手機我都會咁~
仲會馬上玩同dl d野落部機tim~~咁知幾時到我出手機呢.....
食下傾下, 不知不覺都12點幾咯, 今餐ar rex請客呀~! 多謝~
我地食完就散左lu~ | | |
|
|
|
|
« | 14 | 15 | 16 | 17 | 18 | 19 | 20 | 21 | 22 | 23 | ... | 39 | »
|
