password就係我地讀果科既code

依家日日唔係返pancake店就幫人補習, 計極都係得好少錢可用....
之前買得太多野, 積左太多卡數喇.....
呢幾日好想有一日假期可以去下做運動....我真係好耐冇做過運動喇!!!
但係, 唔知劇烈運動依家可以做得未呢? 唔想整到個傷口呀!
我想要人陪我打籃球呀!! 例如子毅, ar sing果d啦! 我又唔知佢地洗唔洗返工喎...
真係煩!

聽日9點鐘起身, 10點補習, 之後出旺角返工....諗到都覺得辛苦
但係唔辛苦又冇錢用....做人就係咁矛盾架喇....
明明話辛苦....又唔會編日比自己放假.....
明明清楚現實....又怕去面對.....
明明發現可能出現有問題.....又驚事情會真係發生.....
一直比理由自己去逃避, 又可以逃避到幾時?
問題唔會自己解決....病都唔會自己好....愈早去面對....最後得益既始終係自己.....
明白嗎?

今日係病完既第1日返工, 係好日子呢~點解~?
因為嘛, 今日足2個月了~~哈哈~~不過可惜大家都要返工呢~佢約左朋友, 夜晚又要返工
我由早到晚都要返工....上個月都冇得去celebrate ar! 因為上個月既21號係o係醫院過....
不過算啦, 返工要緊嘛

返工返1點半, 一返到去都冇咩做, 可以話係好清閒tim!
都唔知係咪星期日黎架, 星期日應該好多人架嘛, 今日又唔係架喎, 可能因為落雨啦
所以我唔鐘意落雨, 出街又淋濕晒....
到左4點鐘, 有個新人黎左返工, 不過原來佢唔係第1日返工架喇, 係第2日....
個女仔細細粒咁, 唔算瘦, 個樣好似有d呆呆地咁, 唔係咁出聲
所以我今日都冇得整pancake....成日企counter.....>  <.....
老闆娘好燥....因為個女仔除左落醬幾好之外, 其他d野成日都做錯
而且慢吞吞同冇記性....老闆娘鬧大一輪之後坐低, 攞左罐生力出黎話冇晒氣要足氣....!!
哈哈, 好鬼頂癮!! 飲啤酒足氣!! 不過佢好快飲完一罐!! 3分鐘到一罐!!
好勁呢~不過都係飲1罐, 都唔會有咩野gee~

到下晝老闆娘做waffle果陣, 有d同事同佢傾計, 令佢唔記得要起waffle 喎~
咁dwaffle點? 最後果4個waffle整得太脆喇 ,
所以最後比左我地食  !!!  好好味呢~~下次大家除左香蕉朱古力班戟之外, 要個可可waffle都唔錯架~~
5點過後就開始有番d人流喇, 收收下錢, 聽到有人話要香蕉朱古力班戟加雲呢拿雪糕, 咁我就應番佢啦
點知o個個係suki黎喎!!  我地2個都好吃驚咁望住對方, 哈哈~~
我o係度諗, 咩佢唔知我o係度做架咩? 佢唔知我個日記定係冇睇我日記呢~? 我係咪冇比個日記佢呢.....
可惜今日我唔係負責做pancake啦, 假若我負責做的話, 我都會偷偷地架落重料gee~
例如舊雪糕大舊d, 香蕉多d咁, 朱古力多d咁~~

到夜晚, 本來諗住夜d放gee, 但係老闆娘到9點幾就叫我放工咯
咁我就諗住走啦, 諗住行去車站, 今日行左條平時少行d既路, 見到有間大班, 咁就入去睇啦
好想食冰皮呀!! n年冇食過喇!!! 見佢有好多隻迷你冰皮, 咁我就o係度睇啦
睇完o係度諗買唔買好呢咁, 之後黃生就打黎喇, 問我o係邊, 做咩咁早放工gee咁
之後我又問番佢買唔買冰皮好, 佢勁叫我買啦買啦咁, 我諗, 佢係咪想食ar...?
咁咪番入去買囉, 一買完佢就cut左我線.....正想打番去之際, 黃生就拍左我一野.....
嚇鬼死我....好吃驚law...本來諗住佢係咪番屋企途中見到我, 但係又唔係喎.....佢唔係要返工架咩咁
之後先知道有人唔番工等我放工~~hahhaa
不過好唔開心囉, d人唔回我sms.....哼!!
想死呀?!

之後我地就去左朗豪坊食吉野家~好味ar>  <! 我真係好鬼鐘意食呢~
27號我地就去吉野家食啦~好冇呀大家~~?? 平嘛~~
食完都冇咩好行, 咁就諗住行去搭車啦! 點知見到2% 2折喎!~ oh my god~
咁我梗係入左去掃下貨啦~掃左幾件ar都~~聽日再掃~!!

掃完搭車番去lu~番到屋企都成1點喇~!
聽日都要番工番到11點半>  <






以下既字要細隻d, 因為都可有可無~~hehheee~

聰, 生日快樂呀~~祝你快高長大啦~~CCCC~~

今日online, 好多人都覺得好奇怪做咩我唔洗返工....
其實本來要架.....但係唔知係咪琴晚又酒又勁食野....
半夜果陣好肚痛....仲嘔埋呀....!! 真係痛到我丫....
所以第2日本來要補習之後返工gee, 咁我就編遲dd先補習, 冇返pancake店
都好gee, 休息下law

我發覺呢排日日都返工, 通常返完工就返去沖涼傾電話訓覺
冇咩點做其他野.....放假又一定係約左人去街.....
好似冇咩留o係屋企呢
今日放假, 覺得o係屋企真係好舒服....加上呢排有d涼風~
雖然唔鐘意落雨, 但係涼涼地真係好正~~

o係屋企本來係想煲下d日文書gee, 但係最後都係冇....
上下網, 訓下覺, 傾下電話, 咁就一日....
不過今日家姐打黎問我遲d落唔落d, 真係好出奇~
平時佢都唔會叫我落gee, 做咩今日無啦啦問我?
但係我又真係幾有興趣落下gee~睇下就唔就到時間啦!