晨早起左身, 但係又冇溫書喎....

下晝有人打黎o係度喊.....佢好慘....
其實想忘記就忘記....做咩要搞到自己咁辛苦呢.....
有時d野要識得睇開先會開心.....
何必太悲觀? 要諗, 呢個世界咁大, 得佢一棵樹咩?
佢係老幾呀? 咁架嘛~~哈哈~~
而且你仲有我嘛~記得我地週年紀念日呀~衰~~

夜晚出左去大快活食飯
返黎本來諗住溫書gee
最後革命又再失敗, 需要再次努力

加油吧! 同志!!

朝早9點3起身去補習, 到11點就搞掂
返到屋企諗住訓一陣溫書啦
朋友仔打黎話想黎我屋企...好耐冇見喇真係....
佢勁提佢新男友, 又o係我屋企傾電話
個樣甜到吖....把聲姣到吖....咪晒幸福啦!!

手上某樣野, 令我發覺左d野....
竟然話要送比我?? 咁就要多謝你喇~~
你肯送, 我點會唔肯收呢~~?
嘻嘻~~

傾左好多野, 不過都係講呢排d感情野多
男朋友仔懷疑真係大, 問我係咪男仔....
仲要一個鐘打6個電話黎.....
但係今日一行, 令我....溫唔到書>  <

我唔想飲野呀!!!

一早起身, 冇錯, 又係去小西灣食早餐~
平時只有聰,teddy, rex同我去食, 今次多左ivan, 健同kevin~
難道因為今次可能係最後一次...?

去既途中一路玩rex既psp, 個golf真係好好玩~~
好靚呀個screen!! 果然係補習天王....部psp竟然有notes!!
最後都攞唔到副太陽眼鏡tim \ . /
食完返左學校上org.chem revision.....真係好笑.....咁叫revision?
一個鐘都冇 + 淨係講左會出幾多mc呀...果d law

上完就去左圖書館溫書啦, 點知溫左幾個字有個"火警演習" law....
個火警演習真係好兒戲, 我地連要去邊都唔知....
直情走返去library.....

今日又見到某人3次, 所以搵卡姐去search佢
可惜都係搵唔到啦
返去溫左冇耐就起程走咯....
之後我都有溫書架!

返屋企果陣....個天好似倒水咁倒
d聲大到電話入面個人都聽到....
今日個天都唔聽話gee

今日要諗既野太多...
每一件都同另一件有關連..
我要怎樣好...?
他與她的事情我冇權受理, 但為何我又要在意...?

好, 繼續~~~~~

國泰問好多關於份工既問題....例如你覺得你咩地方適合呢份工呢? 你期待呢份工比到d咩你呢?
問左成半個鐘, 就放我走喇~~

時間尚早, 諗住搭車去觀塘行下啦
點知o係車上面訓著左落唔到車....
去左藍田....我都好耐冇食鮮果甜乳酪喇~!
好味~!

返到學校上英文堂present, talex遲到law.....
仲要拉住一個"give", o岩o岩落機咩....
present得麻麻啦....完左去左搵angela交key skill
之後就去左圖書館啦, 溫左冇耐就出左去
竟然比我巧遇 "Ivan", 如果果陣唔係見到阿邊個, 我一定即刻打比你啦~

之後就要實行凍飲計劃.....但係冇想像中咁難飲啫~
到6點就去左test咯, 搞掂之後就同Claudia去左尖咀行街
一去到, 又係去I.T.SALE, 我真係買左上次睇中果條裙呀.....
返而今次Claudia冇買野, 我地又去行levi's, 覺得條921都幾好架
不過冇size喎又....

行到咁上下, 去搵左間cafe坐下, pokka cafe~
點左件new york cheese cake兩份食law....
好好味呀~!! d芝士放入口即慢慢溶, 口感極好
上面層soul cream加埋cheese cake甜度o岩o岩好
再加上旁邊既朱古力醬同cream, 絕配呀!
大家不妨去試下~不過就貴左dd
我地食左一件都41蚊....

9點半走左, 去搵表妹攞野~見到好開心呀~!! 比預期前左~!
搭返天水圍落緊西鐵果陣, 巧遇子毅~
佢就陪我一齊去搵hei 喇~佢攞左樣野落黎比我睇....
好靚呀!! 唔做designer真係side晒....
小魔~!!    好可愛呀~~~

因為我約左一個唔識既人去佢樓下比番野佢
佢地兩個又陪我去, 我一路抱住小魔行去~
終於見到"sporty靚女"喇~好slim呀~!
仲好白好高~!

同靚女and子毅say goodbye之後,
hei送完我走果陣, 小魔竟然跟住我~!!
好cute呀~!! 佢難道想做本宮隻狗~?!
呵呵呵呵~~~

晨早5點鐘又起身整裝,但係我差不多冇訓咁晒, 最後遲左半個鐘先出門口....
因為驚遲到, 所以取消左食早餐就踏上左機場之路
點知去到竟然早左一個鐘.....
環望四周, 一平死寂
又點hea一個鐘呢....最後又搭車去機場客運大樓食早餐.....
食完早餐又遲左....咁就即刻去搭的啦....

果個司機吖!! 激到我辣雞呀!! 都話明o係國泰城,警署後面架啦!
佢行行下話比我知唔識路! 咁我地咪指佢睇law!
果個八婆, 睇都冇睇, 就話唔知叫我地話佢知轉邊一邊
我指住直情係果棟, 佢竟然同我講話佢近視, 睇唔到!!!
依家你近視深d定我近視深d呀!!? 盲架?!
我真係好忟! 如果唔係有人制住我, 我真係小佢架喇!!
婆佢阿魔吖!!

好彩最後都冇遲到咋.....
不過又估唔到個interview係用中文in喎....

好眼訓.....比我訓左再講.....

>>to be continued