今日2點幾比人嘈醒左，3點幾就去左拜山，拜完山5點，同左阿皓去左行街，入左間cafe，叫左一杯regular同american，我覺得麻麻地，冇咩creama又唔夠thick...之後又叫左客甜品兩份食，反而d甜品都ok喎~~

行行下見到d豹紋貼紙幾靚，係一大塊咁架，買左一張粉紅色一張啡色，阿皓o係我買貼紙果陣去左行第2度，原來去左買左個龍貓鎖匙扣~我叫佢帶我去果度，好多宮崎峻d野呀~我買左個千興千尋既，佢之後送埋佢果個比我~~多謝晒!

今日冇去睇戲....推左佢...之後訓到2點鐘起左身，上左陣網咁啦， 之後家姐返左屋企，我同佢傾左陣計，佢話佢今日開P，黎唔黎咁，我冇野做，咪去左law~我數過，加埋我同家姐，有10男3女，叫左pizza食，佢d friends好搞笑呀!!又講下佢地做野d好笑野，佢地好似係講慣，d語氣真係好好笑!可以比美森美呀~~

玩到11點，我就話走喇，佢個fd阿熹送左我返屋企，之後再返到玩....都玩得幾開心呀~~

返到去開左部腦online，12點果陣曾健同claudia 都send左個msg比我，我話要沖涼，沖完涼同claudia去左sina打牌
打到3點訓左lu

琴晚半夜訓唔著所以online， sing 知我唔開心， 半夜3點半入左黎天水圍陪我， 我真係唔想o係屋企.....所以半夜溜左出去......好驚比屋企人發現到....所以真係好似神偷碟影，好細聲咁行路，我平時訓覺會關門先訓，所以我關左房門先出去...好驚呀真係...但係幾刺激.....我地兩丁友去左天瑞間ok買野食同野飲....之後就去左佢新屋傾計~~講左好多冇講過比佢知既野， 佢又比左d意見我， 其實講得都o岩既， 咁勉強做咩丫? 自然d唔好咩~~? 所以嘛~~我依家邊個都唔諗!

o係屋度咩都冇，傾傾下又口渴，又落左去野飲，行好遠先有24 hours ok呀! 返上黎我地玩十五二十! 佢講得好快!我勁飲law~之後佢又教我跳舞， d hip hop好難呀!仲難過我學果d jazz !! 我成日攞佢部canon 40 左拍右拍， 玩到6點幾， 我地去左茶餐廳食早餐， 本來我地諗住唱k直落架， 但係都幾眼訓， 所以食到8~9點， 就去左我屋企.....屋企得阿哥訓緊覺， 我叫佢細細聲去我間房，係第2個男仔入我間房law~ 之後佢叫我彈左陣bass， 咁咪開電腦睇我d相law~冇耐就走左喇.....

好眼訓.....今日仲約左人 11:00係cwb睇戲.....不過好多謝你呀! 多謝你陪左我成晚~~!!

今日朝早9點半約左claudia，曾健，panny同雞翼去左西貢行山，一去到西貢我地去左間茶餐廳食早餐，期間panny攞部dc出黎玩，食咁上下就搭車去行山，好大霧law! 行左幾個鐘，好熱呀~~ 好彩claudia借左件T比我著咋~~thanks~

我地行完都3點幾lu，又去左食tea...食完o係西貢石灘玩左陣...西貢好多狗呀!! cute爆!!

差唔多7點幾，我地去左牛頭角打冷，d野食幾好食呀!叫左d啤酒玩圍梅，今日唔知做咩我勁win喎!所以坐我下家既panny勁飲呀!hahha~~

打完冷，去左附近一個遊樂場坐左o係度傾計，唔知係唔係飲左d酒，都幾high+開心呀~~
一齊坐o係度講心事，我講左我d煩惱出黎，佢地又比d意見我，我都覺得佢地講得幾有道理gee....自己d野自己解決，做錯左就盡量補番，我今次真係太天真喇!

不過，今日，我諗係今年暫時最開心既一日黎!!

個concert比我感覺係....悶!
唔係話佢唱得唔好，係太多慢歌喇!我見到rex同patrick睇到好呆，曾健直情好似想訓tim!
我同claudia都有嗌下!唔嗌....就會好悶嘛....