今日一起身就12點， 指定動作梗係開電腦....
到1點幾開左電視睇左套卡通
唔知咩名， 但係隻馬幾搞笑....
到2點幾落左去買叉燒飯食 

返到屋企求其攞左隻cd聽，係英文雜錦碟黎
有sum 41， good charlotte， creed， lostprophets....
幾出名下既樂隊都有， 隻碟o係hmv買，20蚊雞咋....
平到丫~
聽聽下攞左隻朋友送既arashi(嵐)黎聽
嘩~佢地唱得難聽到丫.....但係我又鐘意佢地d歌喎，o岩style
then又攞左隻t.a.t.u黎聽
呢隻碟聽到好悶，聽左首all the thing she said就攞左隻speed既carry on my way黎聽....

聽到5點去左訓覺....
訓醒7點， 自己落左街食飯， 食到9點幾先返，
之後...上網...10點果陣溫左陣書， 溫到冇耐就冇溫...
懶到丫....

放學5點半，去左圖書館溫左緊書...
其實都冇咩點溫到，到左7點半就走左，去左藍灣坐左陣，傾左陣計 ....
就去左人地屋企樓下伏人~~等左冇耐就伏到喇~~哈哈~~

之後我地去左一個遊樂場吹左陣水，傾左陣計~~then又有一個世紀警衛趕我地走~! 真係無奈耶~~
後來我地又去左M記食雪糕~~又吹左陣~~之後就送我去車站喇~
我冇搭西鐵返去，搭左去旺角再搭番天水圍，用左個半鐘到返到去~
得閒咁樣都幾好架~~測完驗一定再黎多次~~

仲有...唔好扮樹熊....都唔好扮"處"男....慳D唔該..!!

今日放左學, 同左卡姐同雞翼去左海旁.....我好唔開心....發生左太多野喇......
之後....我話要去買酒飲...同卡姐二個人一人一大樽生力啤,
佢話要同我玩十五二十, 輸左比人問問題....我好多次都輸,
2~3個字內飲完我果一大支啤酒, 之後仲搶埋卡姐果支飲!!
唔知係咪飲得太快定係我本來唔飲酒呢,兩枝我就醉左......
第1次飲醉酒....好暈....
我唔記得我做左d咩, 淨係記得我訓左o係草叢.....
卡姐話番比我知, 話我o係地鐵度大叫, 又訓落地, 又大笑.....好得人驚.....
佢地之後仲送我返天水圍....好感動.....多謝晒你地....!!
返到屋企, 隻眼腫到不得了.....真係難得既體驗

我今日突然想起這首歌 都幾o岩我... 始終一天 我會買隻手錶 始終一天 我會早點起身 始終一天 我會不再懶惰 不再遲到 ho no… 始終一天 我會收拾被窩始終一天 我會收拾壞蛋 始終一天 我會一次棄掉所有垃圾 愛 始終一天我會比較愛自己 想東想西想你定會想清楚 我也不再在意我應該得到幾多 忘掉你 揭了瘡疤 心魔放開 隨便作樂 隨便相愛 決心不會一改再改

今日同claudia，panny，雞翼去左銅鑼灣間南記食野，食完就玩啤牌，輸左要飲醋or辣醬，好難飲呀!我地玩左大2，joker，釣魚.....suki 7點幾join我地，到8點就去左食巴西燒烤，panny個fd戊戊都黎左一齊食

d野食都幾好食，但係食左一陣就有d飽，我地加左錢叫埋生力啤任飲，之後就玩圍梅同非洲話事啤，一開始係輸左飲酒既，後來就輸左食舊肉，我地個個都勁飽呀!所以輸果個都好痛苦咁食...戊戊玩非洲話事啤果陣輸左2次，要飲晒成杯酒，因為個杯好大杯，飲到戊戊湯呀!

返到屋企1點，好眼訓...