今日本來要返學, 之後rex打黎話唔洗返學, 收左線肥仔又打黎話唔洗返, then carol又打黎話唔洗返~
到點幾又有人send message比我話唔洗返~真係多謝大家話我知>  < !! 感激感激!!
我為你地拍手!! 啪啪啪啪啪啪啪~~~~

訓到11點幾, claudia打黎, 傾左陣又約左一齊出去~~
我好似真係冇一日唔出街架喎....hehheeee
約左去尖咀電髮, 2點幾搞到到7點幾law, 仲超budget tim呀!!
發佢個瘟+shit~!!!
之後claudia去左atm度攞錢, 我就o係salon度坐低同d髮型師傾計
傾傾下做左d野.....好柒......>  <
我係唔會講比你地知ga, 吊你引 !!

then去左間茶餐廳食完野走左lu~

唔知點解....呢排唔想打日記.......

今日, 唔洗返學, 要去旺角賣bass,本來係自己一個去
之後老朋友打黎, 最後就一齊出左去喇
先去左西鐵站搵左hei先, 佢有野要比番我, 之後我叫佢咩黎睇下, 佢咩得都幾得呀~
去到3:00, 咩住個bass我真係覺得自己好有型~!! 個buyer竟然比個廿張一百蚊比我.....
加埋媽咪比既$400, 再加hei既$200, 我個銀包總共有26張紅衫魚!!
好excit好正呀~! 厚到個銀包合唔埋囉!!

之後即刻去左石磨坊食甜品! 我請~
佢點左個芋泥椰汁撈, 我就要左個白雪甜如筒
個撈野好大舊冰呀! 成座山咁! d芋泥幾好食, 但係好滯!
白雪甜如筒個皮都幾得意gee, 但係又唔算好特別咁law

到6點, 個死人頭就話好tired要走! 我都未行完>  <
行左3個鐘都冇就要走.....仲要呢3個鐘有一半時間係o係石磨坊tim
次次去親街都係行2~3個鐘就話tired....
之後我就唔想走住, 佢竟然自己走左佢.....真係炆爆呀.....

咁無奈咪自己行law, 行到7點幾諗住走, claudia同雞翼就打黎話一齊食飯wor
之後就一齊去左和民食日本野喇, d野食ok la
但係d野好細dull law, d雞軟骨又淡戊戊

返到屋企成11點幾lu

琴日本來係住電髮......之後表弟釗打黎, 問我去唔去阿e屋企玩
then7點幾就去左阿e屋企玩喇~!
一去到按門鐘, 第2個表弟ar皓就開門比我, 我入去見到佢地兩個都係冇著衫半裸law
之後我要佢地即刻著番衫, 佢地唔肯喎竟然, 我話要走, 佢地個樣幾無奈ar~
一去到就玩ps2咯, 有好多game law佢地, 問左人借左d game
玩左個美少女沙灘排球, 都幾好玩喎~~

玩到10點, 就去打3人麻雀, ar釗竟然話玩一番起胡喎!! 我同皓都唔制ar~~
玩到11點半, 同皓去左wellcome買杯麵, 返到去玩左陣icq咁law
我地都唔係好勁, 所以玩1蚊1番, 點知竟然要到3點先玩完一圈.....我仲要玩第一圈已經輸$31~!!
唉~! 阿e屋企好多蚊呀!! 顛架!!多蚊到吖!! 好彩我唔係住果度咋!!

我地打牌打到朝早7點......先玩完2圈.....
hahhaaa~最後係輸$50.....真係死火......
玩一蚊番都輸成咁, 睇黎我都係唔好賭比較好
賭咩都輸gee, 賭啤輸錢, 麻雀又輸, 連鬥準時都輸餐飯....

好眼訓呀, 今日仲要出去旺角賣左個bass佢, 因為條neck好似唔夠實咁喎....人地話
賣出去個價比買返黎仲要高law......hehheeee~
earn左~~
不過到依家未約人呀!! 睇黎要自己攞個bass同amp比人喇.....
我諗會超重law>  <
死啦....我搬唔搬到呢......賣完去電髮喇~!!

今日一早9點就起左身, 因為琴日hei叫我陪佢去銅鑼灣
我地先去左美孚整機先, 之後去左灣仔攞野
搞掂之後好肚餓, 入左M記食左個烤餅餐....

之後食完搭叮叮去銅鑼灣.....真係勁耐冇搭過叮叮囉~
去到一去到就去左時代廣場間豐澤睇notebook, 因為佢想買
睇左一粒鐘, 終於買左喇~~買左部NEC $11,680既notebook @@
有錢到吖~不過果部做緊八折, 所以係最後一部新貨, 真係好彩呀~~

之後o係8樓掃落去, 最後又去左sogo再逐層掃~
掃完去左旺角陪佢整電話, 整完子毅打黎叫我地陪佢去delifrance interview
陪完又去行皆旺, then子毅就急急腳返天水圍....因為約左女友ar~
咁我同hei就行左去太子買朱古力, 好貴呀~$15得3粒咋~!!
因為果間野係用名牌朱古力做raw整, 所以貴d囉~
不過...不外如是.....唔算好好味....但係都唔差架~

食完去左聯合行....唉...本來今日係想去力伐做member架
陪完佢地都close左咯....只好下次先啦~

行到9點幾10點就走左lu~
返到天水圍佢就搭車去左天瑞, 因為佢買左隻鎖匙扣比冰.....
所以我就自己行番去喇~

好累呀今日=.=, 仲要打信呀>  <

今日返學返8:30, 又約左人去小西灣食早餐
但係我又係遲左起身, 搞到佢地要等我tim.....
返到學校, 好吃驚有人咁準時返到law....哼!
去到org.chem break果陣, 個個都走晒去canteen做report
做完就玩大二, 玩到2:30就起程走lu!

6:00我要幫人補習,見仲早,咪去左南昌果度吹下風law....
真係吹風喇, 好鬼大風, 吹到我頭痛.....總之唔吹la~!

5點就返到天水圍, 先去左小廸屋企玩左一陣先~
佢地一開門就見到好多人 , 有hei, 子毅, 廸, stephy, crystal.....仲有自修室識既一大班人!!
加埋有成16個人o係一間屋度.....o係度打牌!!
之後我就同人玩ps2, 玩左一隻星矢既game~幾好玩喎!!
個個都唔識玩, 我同hei算係最勁架喇.....hahhaaaa~

到6點我就去左補習, 補完gap join埋我地一齊開party
一上到去就玩winning, 我冇咩點玩呢隻game
之後冇耐就食野lu.....d野幾好味呀!! sam整d蛟子好正>  < I'm lovin it~!!

食完野就玩game, 先玩killer, 之後玩心臟病,非洲話事啤and KING
玩KING先好顛呀! 發瘟架!
有次係要人飲20杯水! 差唔多飲左3L 呀! 到ar hei做king仲勁....
要2號錫5號腳板.....5號錫9號腳趾.....
hahhaaaa~好彩唔係我啫~~

玩到10點幾, ar hei, stephy....好多人都話要走喇.....
真係早呀....乖仔乖女~~
我之後打牌打到11點半,ar Roy就送左我返屋企lu....

呢排d天氣好熱-.-