今日,係星期四.....又係同上個禮拜一樣~~
同左claudia去左尖咀唱k~! 約既時間地點都一樣,hahhaaa~!
好好笑law~我地唱到女人味果陣, 我話要將"女"人味變"男"人味~~
之後唱d歌都變晒好好笑! 笑到我地肚痛呀!!

到4點幾到, 我地去左利時行, 不過冇咩睇o岩......
之後去左I.T.sale again !! 上兩次我地去每人都有買野, 今次竟然冇喎~
都冇咩點買野呀今日~最後淨係同claudia買左個同款唔同色既袋咋~~!
個袋真係好靚好搶眼, 而且都好抵>  <

then...又係去左harbour city....又係去左食雪糕.....
7點到就走左lu~o係車果陣stephy打黎~
話聽日開 p ..... 但係點解係佢約我gee? 唉, 佢話下個月先電髮喎.....
我好想電左個死人頭呀....又下個月.....下個月我d頭髮仲會係紫紅色咩....
可能變左金色喇.....嗚嗚嗚....

今日本來返9點半.....但係唔知醒.....琴晚仲同人輸賭遲到請食飯tim.....
唉.....又真係諗唔到你會準時喎!! 真係估你唔到!!

本來今日唔想寫日記, 算啦~打埋啦
5點半放左學, 同d同學o係canteen坐到6點, 之後又去左藍灣海旁傾計~~
我話過測完驗再去過架嘛~~ 果度真係幾舒服呀~
不過如果杏花冇d世紀警衛, 我鐘意杏花多d~~
同人傾到成8點先走.....

送左我上車之後, 佢就打黎, 約左9點o係新之城等
點知一去到, 佢就送左樣野比我....果樣野係我想要好耐既野....
我都唔知點好...收唔知點咁....所以咪話唔要囉...之後佢係都要我收左佢....唉....真係唔知點咁law
雖然佢唔知有呢塊板既存在, 不過都o係度多謝你!
之後冇咩點同佢行就走左返屋企lu

返到屋企online一陣, 去左沖涼.....
一沖就大件事喇!! 一路沖....d水一路變淡紅色呀!!
oh my god!! 琴日染d色甩色呀!! 今次大穫喇!!
咁遲d個頭咪打回原形?! 唔好呀>  < !!

好啦.....繼續.....
開始染果緊冇咩野....染左10mins果陣就知死喇!!
d髮頭唔係好上色,因為係新生出黎, 但係我髮尾有染過, 所以....出事喇!!!
髮尾d頭髮超上色!! 髮頭都上色, 但係冇咁上
成個頭都金色架!! 好似sailor moon咁呀>  <!! my god !!!! 髮尾係接近白果隻金呀!!
我唔要做MK呀~!!!! 死都唔要呀 ~>  <~!!!!! 我見到塊鏡都想死呀!!
我唔要再見多1秒law!! 之後火速落去買盒其他色!!!

點知一入商場....oh shit~~!見到stephy, hei佢地全班人law!!
我大驚呀~~   即閃去一個角落!! 好彩佢地見唔到我咋!!
之後買完番屋企....一開門...見到好少番屋企既家姐+佢男友!!
好日都唔番黎!! 今日先黎返!!
家姐一見到我, 就話嘩你個頭咁既!!?? 我都唔知講咩好!! 之後佢就話.....染得幾靚喎-.- , 真係O嘴....

之後染番其他色.....
染完都正常番.....但係....比染之前深色左law ......-.-
嗚嗚......(多得某人...我先知呢個字讀 "污"....多謝你喎...哼!)

今日一起身11點....o係度計, 琴日訓左成17個鐘.....
之後坐左o係張床好耐....坐左成3個鐘.....o係度諗我呢排發生既事......
有好唔開心既事, 都有好開心既事
其實都係一d好好既回憶....都學識左d野架~
就係...原來唔亂諗野, 自己會過得開心d
所以我依家習慣緊唔再亂諗野lu~

想再重新黎過, 本來想去剪個短髮.....但係又記得應承左stephy一齊去電髮.....
之後就興致勃勃咁去買左盒野諗住自己染啦.....
打算染比依家隻髮色淺少少, 諗住自己染都唔會上色得去邊
咁咪買個勁d既"超級染髮劑" 囉......返到屋企一染........今次死緊喇.........

to be continued...... (我依家要出街．.．)

琴晚半夜3點40分去左訓覺, 今日12:15就較左鬧鐘起身,因為今日要幫人補習......
o係我補緊習果陣, 有好多人打比我.....補完習睇番, 有9個miss call.....
通常d朋友仔都係o係最忙既時侯打黎, e.g.沖涼既時侯
係朋友都知我沖涼沖幾快架啦.....

番到屋企3點半, 去左訓覺.....5點45分起身
落左街食車仔麵.....途中做左d野, 搞到ar hei勁笑.....
我都唔想架> <

8點就番左屋企lu, 之後.....去左訓覺.....
依家先起番身.....即係半夜3:30......
死火啦....依家點訓呀? 唔眼訓喎....