3日既悠長假期，留左係屋企睇左3部電影，"我的男男男男朋友"係其中一部~

唔知有幾多人聽過有呢部電影，老實講，我就聽都未聽過，但我最近係屋企download電影既模式，都係down一d自己完全唔認識既片，有時咁樣可能會更有驚喜~ (當然，有時失望既機會係大好多既)

先介紹下呢套戲，information copy from 百度﹕

"鄭皓(汪東城 演) & 謝雯婷(謝娜 演)是一起來到北京打拼的老鄉，曾經夢想把手裡的5元變成500萬

幾年後，雯婷當上一家咖啡店的店長，有過一後刻骨銘心的愛情，後來因男友劈腿而分手，從此雯婷不再相信有真愛，變成遊戲愛情的女人。

雯婷身邊出現了4個完全不一樣的男人﹕

鄭皓 - 孤單打拼卻趕不上北京生活成本的瘋漲......夢想未實現，鄭皓依然是無房無車無北京戶口的窮小子，沒有物質基礎，連做愛情後備的資格也沒有，只能做雯婷身邊的"男閨蜜"。

胡兵飾演的魅力大叔 - 雖然有3個拖油瓶女兒，不過車子房子公司樣樣有，是最炙手可熱的土豪男

李承鉉飾演一個動漫宅男 - 純情賣萌最惹女人的憐愛

劉令飛飾演一位當紅的音樂才子 - 才華橫溢又善於制造浪漫"

例牌，女主角到最後一定係臨崖勒馬，搵返自己既真愛，同鄭皓簡簡單單過埋下半生~!!

又一個愛情與麵包既問題，做極都唔悶既劇情~!!睇都睇到有d悶......但我竟然由頭睇到尾，完全無stop左佢既意思~

你問我呢套戲值幾多分，50分已經好比面~套戲d感情位打得唔夠穩陣，完全無touch my heart既感覺，或者你當佢係一套消磨時間既電影都還可以~!!

上網search過呢套戲既info，原來導演趙崇基係香港導演，之前拍過﹕ 三個相愛的少年、二人三足、慳錢家族、天才與白痴等等，都算係一個幾有經驗既導演呀，但今次呢套戲每條感情線都舖排得好薄弱咁，或者係想走輕鬆路線所致啦~!!

我覺得每個香港女仔都有少少似戲中女主角，我地曾經對愛情都有過幻想，但最後所有幻想都會破滅~好彩既，你會搵返一個簡單快樂既人生，又或者你會搵到屬於你既麵包~!!! 無論最後你得到d乜野都好，只要你不強求、知足，你既人生就會不缺~

題外話，原來謝娜就係張傑個老婆，佢仲係劉燁既舊情人，哈哈哈哈~!!

說到"香港仔"這套電影，入場原因只有一個 - 彭浩翔~

以前看電影，我會先了解故事內容，看看人物角色，覺得適合自己，才會決定買票進場~不知是人大了，還是要求多了，現在看電影，為的真是因為"導演"兩個字~!!

或許你會說彭浩翔的片，俗不可耐，粗口滿天飛~

但我們都不得不承認，彭浩翔拍出了香港人的現實，試問，我們今天的生活不就是俗不可耐，粗口滿天飛嗎﹖

由"大丈夫"....."春嬌"..........""低俗喜劇"，不管是談婚姻、愛情，我都會感到導演帶給我的那一份震撼~!

如果，你帶著看"大丈夫"&"春嬌"或"低俗喜劇"的入態去看"香港仔"，我敢肯定，你走出戲院的一刻，一定會不停暗小彭浩翔~!!

學會欣賞，就要學會改變自己~!!

"香港仔"收起了粗口色情，大玩香港人情味~!!

故事內容引述AM730專欄﹕  

「一個三代同堂的家庭，表面風平浪靜，但每個家庭成員的心事都足以引爆家庭危機，例如丈夫 (古天樂) 懷疑女兒不是自己親生，模特兒妻子 (梁詠琪) 為證明自己仍有身價而參加富豪飯局；家姐 (楊千嬅) 與姐夫 (曾志偉) 婚姻生活出現問題，姐夫有外遇，家姐因一件兒時往事對家人感情複雜，愛、恨難分；早年喪妻的父親 (吳孟達) 和舞小姐 (吳定麗) 相濡以沫，但遭到兒子反對，受盡兒子白眼」

雖然呢類型故事未必日日係香港現實生活上演，但我係電影入面感受到每一個人心入面都會有一個結，有人選擇將個結永遠收係心入面，有人會選擇逃避，有人甚至會用激進既方法或態度去處理佢，其中有D片段，令我對自己都有D反思﹕

1. 古天樂選擇偷偷去驗DNA，想去証實到底個女係唔係自己親生，甚至去到最後，佢選擇比個女第時去揀整容~!!我自己個心態都係咁，有D野唔敢同人講，自己偷偷去求証，但到最後又未必敢去面對個結果，於是就選擇用另一D方法去安慰自己，都可以話係麻醉自己，等自己去接受呢個現實

2. 楊千嬅一直放唔開細個時候，同細佬玩而比阿媽誤會佢地做埋d唔見得光既事，於是佢就不停做一D野，好似去逼自己唔好忘記阿媽好憎自己咁~其實人有時都幾鍾意折磨自己，有D野唔係人地唔放開，係我地逼自己唔好忘記~

千嬅成日話阿媽唔錫佢，夜晚都唔會留飯比佢，我最記得一幕，佢發夢返返去屋企，見到佢阿媽，今次係夢入面，阿媽留左飯比佢，仲叫佢趁熱食~但當千嬅行入屋個一刻，個身形突然縮細左好多，同佢阿媽形成好強烈既對比~

我好鍾意呢一幕，我覺得由千嬅行入屋一刻，佢身形縮細就正正表現左佢對住佢阿媽個種恐懼~!! 當我突然要去面對一D我唔想面對既野個陣，我都好想自己可以突然縮細，細到人地睇我唔到~

3. 有一幕古天樂個女 - 可怡因為食錯野，而要去搵姑丈檢查，當時可怡問左姑丈一句﹕ 生活係為左咩﹖ 其實曾志偉自己都答唔到，佢根本都唔知自己生活係為左咩~!! 老實講，而家我自己既生活為左咩﹖ 我自己都唔係好知~ 我相信好多人香港人都未必知，又或者你一生就係為左供樓，又或者你一生就係為左照顧對仔女成材，但呢D就係生活﹖ 

又或者好似電影入面咁講，生活，就係吸氣、忍住，同埋呼氣~!!

話說之前我係網上發現左係MK有一間算係新既餐廳，叫做SPARK BAR & RESTAURANT，睇相好似好OK，環境又舒服，一直都好想去try下~!!最後同BECKY終於去左try，味道真係ok wor~!!

於是舊同學FION生日，我就再book返呢間餐廳，我地一行7人﹕ 我、朱仔、肥狗、FION、KAREN、SWIM & CONNIE就一齊去食返個輕鬆dinner~

有時我地7個人坐埋一齊，講d野都好無聊下，講返中學既野，講下衰野咁，都可以笑好耐~!!人大左，真係要珍惜同自己一齊成長既朋友，因為只有佢地先令我覺得，青春仲未離開我~hahahaha~!!

睇下我地個晚食左d咩先﹕ 

1 (第一行左)﹕ 黃金炸蠔 --> 勁熱氣，所以一定好好食~haha，但佢又無咩油，都唔錯~!!

2 (第一行右)﹕ 海鮮沙律 --> d海鮮係好鮮甜，應該係無咩落調味個隻，但夠fresh

3 (第二行左)﹕ 煎三文魚沙律 --> 塊三文魚真係好好食，我平時係唔食三文魚ga，但今次比佢個燒汁吸引左

4  (第二行右)﹕ 雞柳意大利飯 --> 呢個我好似無食到，係兩個男仔話唔夠飽，要後加既order~!!

5 (第三行左)﹕ 燒bb豬脾 --> 個皮同肉中間有一層超肥既肥膏，我對於肥膏呢樣野一向係好反感，但呢個豬脾我真係超鍾意食，當你食塊脆皮連埋d肥膏個陣，d油滲出黎真係好香~!!

6 ((第三行中)﹕ 海鮮意大利飯 --> 偏濕，味道普通啦

7 (第三行右)﹕ 藍貝天使麵 --> 個藍貝我就覺得普通左d，但佢個天使麵係用我最鍾意既茄汁整ga，所以我好鍾意好鍾意好鍾意呀~

對於食物既要求，我個人其實都幾主觀，鍾意一樣野又可以好盲目~!!hahahahaha~!!

不過我份人勝在有一樣好，就係食野唔一定要食環境，又唔一定要食貴野，只要係我鍾意既就無所謂~

呢一晚都算盡興，我就將SPARK BAR & RESTAURANT放係我2014年最愛餐廳度先啦~YEAH~

The Secret Life of Walter Mitty - 一套講追尋人生既電影，對於呢類用輕鬆手法拍出小道理既電影，我一向都情有獨鍾~