今日係年廿八，中國人都會大掃除去迎接新既一年，我當然都要咁做喇。由於老婆佢要返工返到年三十，唯有我自己做喇。不過其實做左既野都唔係好多，都係抹下窗同埋個 Kitchen，其他野都已經o係上個星期六外母佢地入黎探我地既時候做左喇。

下午6點去左接老婆放工食飯，之後就去買我地既新年新衫，由Megabox坐小巴去左新都城，我地o係o個度行左個幾兩個鐘。突然間佢叫左一聲，我問佢咩事喇 ... 佢話 BB 踢佢。呢次係第一次佢同我講話亞 B 踢佢，仲好大力，我地都好 excited。唔知係唔係亞B 真係識聽我地講野呢，我地同佢講叫佢要乖唔好再踢，佢又真係無再踢喎 ... 哈哈哈，可能佢知佢個老豆係惡人一個，所以怕左我呢。之後我就同老婆繼續 shopping喇。最後我地各自買左一對鞋，我又另外買左一件 Nike 褸。無計，天氣真係太凍喇。

最後，因為老婆佢已經咳左好多日，仲越咳越勁，所以返屋企前都同左佢去睇 Doctor。

原來不知不覺，過埋今日既12點就係我地兩個結婚一個月既日子，時間過得真係好快，希望以後要煩既事可以越來越少，一家人既生活就會越來越開心喇。