2008年1月5日 - 我人生入面其中一個好特別既日子，我結婚既大日子。

從前會諗，結婚係點既一回事。大概係兩個人由分開生活變為一齊生活；由互相稱呼對方既名變為叫對方做「老公」、「老婆」，其他既事都可以一切如常。但由我簽紙後既一刻開始，我感覺到結婚並非咁簡單既一件事，而係一件需要負擔起極大責任既事情，我既肩膀不自覺咁重起黎，我既內心都開始起變化喇。

o黎緊既生活會係點既呢？我真係唔知，但我好想可以好好去計劃，為我既家人計劃，為我老婆計劃，為我既仔囡計劃。生活再唔可以只為自己，或者再唔屬於自己，而我可以做到既又會有幾多呢？真係希望，我可以比以前做得更好，一日比一日好。

好想多謝一班兄弟姊妹們，多謝佢地既大力幫忙。雖然整個過程係有少少混亂，但親朋都覺得滿意。擺酒就好似一場SHOW，一場話比人知「自己要結婚喇」既SHOW，一定要有一班肯出心出力既PARTNERS一齊努力先可以做得好，而大家o係呢場我既SHOW度比左一個好好既回憶我，所以 ... 多謝 你/妳 地。