| |
|
|
| |
| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
| ．影 誌 歸 月 |
|
|
| ．影 誌 分 類 |
|
|
| ．影 誌 聊 天 |
|
|
|
．好 友 名 單
|
|
|
| ．網 誌 群 組 |
|
|
 | |
 |
2008 年 3 月 6 日 星期四 雨天  | |
| |
|
我講野唔似香港人=.="(因為我係中國人=0=")  | |
今日朝早訓到差唔多11點起身,
起身之後食個即食麪做lunch,
換件衫出門口番Curtin,
番到去見到Jacky Wing Wisker同Alfred等等,
因為一個二個都番晒去2nd hand book sales session,
無無聊聊Alfred話佢仲未食lunch,
於是去左204下面個canteen陪下佢食飯順道吹下水,
反正都係冇野做係到等上堂=.="
佢食完之後又話要去book shop買書咪過去law,
係book shop到又見到Azoth Eddie2條友,
點半番到CIC 3樓上ACC堂,
開頭都主要係intro講下買書既事,
之後Glen又係到講本書一年比一年厚,
問題一同時一年比一年平喎,
佢話佢本書依家都只係賣緊34個半,
但係如果你走去影印佢本野要成51個半,
所以都係叫我地盡可能買08年version,
講完一大輪關於書既野之後就講下個course,
佢其中有一段係咁樣講既:
佢話 "你知唔知Curtin U ACC系主任係邊個丫?
咪就係我law!
咁你知唔知CIC ACC系主任又係邊個丫?
咪又係我law!
咁你地上堂用果本書個作者係邊個丫?
知唔係咪又係我law!
咁你地平時D exercise同exercise既solution係邊個寫嫁?
都係我law!
咁你地考試份試卷又會係邊個出丫?
知唔係咪又係我law~~~!
所以你地上堂只要專心聽跟足我講既野去做,
咁你就考試果時就唔洗驚唔識啦,
因為同上堂平時做果D exercise根本唔會差得去邊,
不過如果你地唔跟我講既做fail左就唔好番黎搵我啦~~~~~~"
哈哈真係比佢吹漲=.="
我知佢既原意唔係想串,
不過佢講呢一段野真係好串=.="
講完晒成個course之後,
又開始一個極無聊既所謂game=.="
又係派左張紙有D問題,
叫你周圍去問人之後搵出答案,
順道就可以識埋你D同班同學啦,
之後係過程中就咁既,
有一個香港女仔叫Joyee,
我聽到佢講完佢係香港人之後,
我就開口講左一句,
"依你係香港人丫我都係喎",
之後佢既回覆令到我係非常之無奈既=.="
佢係用一個非常之驚奇既口吻講:
"吓你香港嫁咩,
你都唔似,
你講野一D都唔似香港人"=.="
乜我講野唔似香港人咩=.="?!
要點講野先似香港人=.=
有冇人可以教下我丫=0="
係呢個時候我應該表演一下黎左Perth幾個月既英文有幾勁,
I was born in Hong Kong and living in Hong Kong for more than twenty years.
Moremore, I studied under the education system of Hong Kong from kindergraten to A level education level.
However, today a Hong Kong girl said that my words didn't sound like Hong Kongers.
How come?!
I was so sad and so hurt at the very moment and the only word I could say is "FINE"!=.="
D英文係咪突然之間好勁呢=.="
真係超吹漲超無奈law=.="
係呢個game既同時我發現左Hater,
一個Kenya既同學係連續3班都係同我同班law,
之後我問佢係咪又係星期二三dayoff,
點知佢又係law真係超巧合,
之後再問佢聽日上咩好彩佢唔係答我上management咋,
如果唔係我一定呆左law哈哈哈,
完左呢個無為game之後,
Glen又好無聊咁做左個統計,
統計下呢班既同學分別係黎自咩國家=.="
成班35個人結果只係有4個中國人=.="
無錯今日我又入左一班反常既班=0="
有咩可能中國人個portion會咁少........
做完呢個統計之後又到另一個統計,
就係問下呢班係完左CIC之後,
有幾多個人係U到會take accounting major,
結果成班有成超過25人舉手law=0="
成班咁多人第日會修acc,
依家上acc堂一定會好專心啦,
睇黎黎緊既上acc堂既studying environment會幾好,
完左呢個統計之後再到另一個民主活動,
Glen話知道好多人都想星期四既堂早D放,
因為星期四係Perth D shops唯一一日開夜少少先閂,
所以有好多人會想星期四既堂早D完可以去買一買野,
之後就問我地如果將acc堂改左做一點鐘上堂,
早半個鐘上早番半個鐘落堂好唔好,
之後又係一個假民主既投票活動=.="
只有2個人反對結果就係下星期開始,
到sem尾都係改早半個鐘上一點,
完左呢個假民主活動都已經接近今日既尾聲,
因為今日係第一堂Glen預左大把人冇帶書,
所以今日唔教書下星期先教書........
最後就係take attendence,
take完之後舊生走得新生留底作篇文=.="
作完篇文3點半鬆D走得人,
因為屋企上網爆左limit好慢,
所以先去lab到check一check D野,
點知入到去坐左一陣突然有個staff入黎,
話要check student ID喎=0="
真係有做野嫁喎哈哈=.="
好快唔夠10分鐘check完野閃水,
過左去Coles行兜下主要目的係買燈膽,
之後頫道行逛睇下有冇其他野可以買下,
點知見到個package之後腦海comes up個DIY idea,
then就買左佢番屋企DIY啦=0="
買完野行番去屋企差唔到門口開始落毛毛雨,
入屋放低野之後就開始呢個DIY既行動,
詳情請留意今日另一個post~~~~
攪左一輪之後都係番房開機自閉,
今日好攰唔多想做野上下網MSN周圍chat下咁,
晚飯之後the amazing race超正,
好似唔知下星期係最後一集定尾二果集啦,
睇完之後仍然係番房自閉,
hea左陣take個bath番房做埋ECON份功課佢先,
攪掂之後無咩野做啦都係係到MSN,
依家點半鐘啦真係無咩做=.="
因為今個月Internet爆左limit都未番黎=.="
好多野都做唔到所以由佢啦=.="
執完野今晚早D去訓~~~~~~~~~
| | |
|
|
|
|
| 2008 年 3 月 6 日 星期四 雨天 | |
| |
|
Ringo's DIY paper rack@Perth 2008  | |
|
|
|
|
|
|
2008 年 3 月 5 日 星期三 晴天  | |
| |
|
溫左成日ECON=.="  | |
琴晚打完個Blog之後hea左陣,
3點開始正式番去學習既事宜,
先黎查番BIS同ECON頭2個weeks既notes,
同埋頭一個weeks MAN既notes唔識既字先,
查完咁鬼多份notes之後,
就再整理一下week one即係已經上左果堂ECON既notes,
攪得黎都已經天光六點幾鐘啦=.="
走左去訓覺本來諗住呢一覺又會昏迷=.="
點知訓到10點幾比隻狗唔知咩事吠醒左,
不過仍然係唔多想起身=.="
係張床到懶死昏迷多陣,
結果仍然係未到11點就起左身,
起身之後開機就開始番溫書既事宜,
先黎將week one份ECON notes睇番一次,
攪掂左之後見肚餓去食番個早餐先,
芝士腿蛋治烘底正哈哈,
食完之後番房正式開始睇番本書,
week one份notes講左chapter one同大半chapter two,
由第一課開始邊睇邊查番字典邊消化,
溫溫下突然有個電話黎問我去唔去唱K=.="
唔去啦大佬only溫ECON都唔知要溫到幾時=.="
如果出一出佢又再無多幾個鐘仲得了既=.="
之後溫下溫下去到marginal benefit同marginal cost果到有個example,
內容係咁樣樣既:
"If the marginal benefit from studying exceeds its marginal cost,
you study the extra night.
If the marginal cost exceeds the marginal benefit,
you do not study the extra night."
睇完即刻笑左一笑law=0="
果然係一個好好一個好daily life既example哈哈,
我依家咪就係完全係呢回事law=.="
今晚我既marginal benefit from studying ECON exceeds it marginal cost,
所以今晚我唔出去同佢唱K啦,
要留係到溫埋個ECON去,
因為如果再唔溫就真係會死=.="
之後仍然係一直邊睇邊查字典邊消化,
一路踩到4點半有多開始見攰..........
加上天氣好熱攪到個人唔多舒服,
於是先去沖番個凍水涼醒一醒神先~~~~~
take完個bath老媽子又MSN叫我打比佢,
講完個電話都就6點hea一hea等食飯算,
食完個晚飯咩都冇做就番入房到自閉,
繼續我未完既溫ECON行動=.="
一直係咁睇到10點幾鐘先終於睇完第一課=.="
What the hell真係好辛苦丫..............
Well好唔容易終於完左第一課好開心,
先黎hea一hea幾分鐘,
之後緊接係馬上繼續chapter two既=.="
不過睇左幾頁之後11點左右又見開始出現疲態=.="
於是出去打下電話搵人吹下水先,
之後再順道沖番杯朱古力味綠茶底奶茶哈哈,
我成日專飲埋D唔係正常人會飲,
又或者唔係正常可以飲到既野=0="
飲完之後個人精神為之一振丫,
番房繼續考完既chapter two=.="............
由於chapter two幾大篇幅係講graph,
所以比教多terms都係mathematical terms,
所以查少左好多字典下,
而且因為係graph所以都比較易明白同消化,
而且唔係加鬼晒成課chapter two,
不概係教左7份之5左右,
所以呢一課所需既時間明顯比第一課少好多,
一直踩到2點鐘多D就完左啦真係好,
終於清番晒星期一上果4個鐘lecture既concepts=.="
上得果4個鐘但足足花左我14個鐘有多去消化=.="
真係What the hell=.="
坐左成日十幾個鐘坐到腰酸背痛頸梗肩痛=.="
雖然清晒D concepts問題ECON D功課仲未鬼做=.="
算啦今晚就黎支持唔住嫁啦,
我睇都係留番星期六日先啦=.="|
收番好D書同notes之後順手執埋聽日上ACC要用既野=.="
一本千二頁有多既書同另一本八百頁有多既書=.="
聽日要帶成二科頁紙番學真係What the hell=.="
攪掂左之後番番電腦既前面,
突然有個應屆高考生問我考中化既心得,
即管好認真咁敷衍下佢啦=0="
答完佢之後依家都就黎3點鐘啦=.="
好啦打埋個Blog係時候去訓啦,
聽日雖然番下晝姐,
但係都要有充足既睡眠先得丫嘛,
如果聽日堂ACC又好似星期一堂ECON咁就死=0="
所以一定要訓足精神應付另一科我完全未接觸過既野~~~~~~~
PS 今日閒時上TVB個網睇,
不得了law,
發現左個大新聞丫,
就係苦等多年,
"獎門人"終於番黎啦~~~~~~~~~~
逢星期日晚八點半無線電視翡翠台,
"獎門人取犀Game"~~~~~~~ | | |
|
|
|
|
| 2008 年 3 月 4 日 星期二 晴天 | |
| |
|
空運補充存貨終於到手  | |
今日我都唔知咩事=.="
睇黎琴日上完堂Econ真係攰得好緊要=.="
今日足足昏迷到3點半先起身=.="
起身之後先發現大獲=.="
即刻梳洗換衫出門口=.="
一路行都唔多覺肚餓,
所以今日都係決定唔鬼食lunch啦=.="
因為真係好趕要番去CIC=.="
先去post office買左壘A4紙,
一場去到順手買多張電話卡,
因為舊果張都差唔多就黎用完~~~~~~~
買完之後就飛番去CIC啦,
行到去足球場果時見到文同Larry,
人地都已經放學我先番黎呵真吹漲=.="
上到CIC先去搵一搵IT officer,
因為唔知做咩我login唔到我個acc=.="
係CIC門口又遇到Cathy佢剛上完堂,
佢話Consumer Behaviour易到乜咁=.="
都唔關我事啦呢個elective我都唔洗take,
搵完個IT officer幫我攪番掂個acc,
之後過左去Lab到開始print notes既行動,
一print就係到print左成2個鐘=.="
足足print左成百幾二百頁notes=0="
真係誇張死不過冇計啦要用到唯有print=.="
print到差唔多print完果時Gil打電話黎,
佢都已經上完lecture問我走得未等埋我,
快手print埋果少少之後熄機番歸,
番到去都已經7點幾食得晚飯,
放低D野食先醒起我唔記得拎番隻手指=.="
唉算啦都預左冇嫁啦食左飯先算,
今晚有呢個烤羊肉食超正~~~~~~~
食完番房MSN先搵人睇下有冇聽朝番既,
可以幫我去Lab到睇一睇隻手指仲係唔係到,
係到幫我拎番唔係到就由佢啦=.="
MSN左一陣之後Larry叫我可以去收貨,
拎抽鎖匙出門口行過5間屋收貨,
成個hard disk拎番黎抄番我D貨,
預定左既空運存貨補充"霍元甲"終於到手~~~~~~
睇黎黎緊幾日應該好快會開~~~~~~
抄完之後順道睇下佢個hard disk有冇正野抄埋佢,
結果抄左成個鐘先抄完晒,
拎番個hard disk過去運比佢之後吹左陣水,
番番過黎之後take個bath都11點幾,
之後就去左包埋果3本未包既書=.="
慢吞吞咁邊包邊MSN=.="
結果包到就3點先包完吹漲=.="
好啦依家3點多D要去整理一下D notes,
同埋溫一溫番琴日Econ D野先得~~~~~~~~~ | | |
|
|
|
|
| 2008 年 3 月 3 日 星期一 晴天 | |
| |
|
| 輕鬆早上,大喊昆水,艱辛下午,筋疲力竭 | |
琴晚本來又係好想早D去訓嫁=.="
點知又係因為慣左夜訓所以訓唔到law=.="
結果又起左身索性睇完本少年陰陽師第2冊佢,
睇完之後都點幾鐘啦決定繼續努力嘗試進睡=.="
今朝一早7點就起左身食個Cereal,
冇人咁早起身喎因為今日係公假=.="
澳洲勞動節丫真慘公假都要番學=.="
因為公假所以Susan係屋企昏迷=0="
因為星期一Gil day off又係屋企昏迷=.="
係得我一個要咁早起身番學=.="
食完之後都差唔多出門口啦番到去8點鬆D,
諗住我已經好早到嫁啦,
點知去到lab入面已經有幾個人係到=0="
第一堂BIS 8點半開始Peter Zhao教,
入到個lab第一個比我既印象"我係咪入錯房=.=",
因為我果班實在係太反常啦=.="
正常CIC係大批中國學生嫁嘛=0="
點知我果班得果4個law..........
果4個仲要有2個係係到讀High School嫁law=.="
之後仲要有幾個local同幾個法國咁,
成個班房一個二個都金毛鬼佬黎既=.="
到底發生咩事我完全唔知講咩好=0="
之後開始上堂D system廢既有幾廿人都有問題=.="
唔係login唔到就上唔到網總之就係有事=.="
之後攪完一大輪都放棄啦佢開始教書..........
先黎教既係中四知識Data同Information既分別=.="
半個鐘break緊接既係叫各位同學開個MS Word,
之後佢係到教上面D buttons=.="
真係What the f玩野咩=.="
大佬我一堂比左成千銀港紙嫁咁晒我錢=.="
教完之後先得果11點話今日第一堂冇tutorial上早走.........
fine我完全唔知可以講咩好law無奈=.="
之後因為Peter Zhao係academic advisor,
所以我唔洗make appointment趁早放出左去問佢少少野,
11點幾都冇野做啦係Curtin游盪law有咩好做=.="
12點係101 canteen買左個飯拎番去CIC common room到食,
因為班fd個個都帶飯去果到叮or買飯去果到食,
邊食邊吹下水咁啦又過左個lunch,
點半上人生第一堂Econ堂,
呢一班終於正常番唔似得今朝果堂咁,
終於有番多D中國人得黎仲要有D我識既,
同班既包括有Percy, Jacky同Coei~~~~
今朝果班真係一個都唔識全部新同學=.="
好啦講完同學就講番個leacturer,
個miss原來又係勁人一個,
佢本身係教開大學部acc今年過黎兼教CIC,
問題就在於佢當左我地係大學生咁勁呢=.="
仲好似當我地個個都已經學過Econ咁=.="
講得勁快law係快到幾次比人叫停番轉頭=.="
因為抄唔切power point D notes law=.="
冇計佢真係係到勁講勁禁好無奈=.="
即係唔係話聽唔明聽唔到,
聽到係聽到不過係聽得勁辛苦law,
一黎佢講得快二黎我冇讀過三黎仲要真係全英文授課,
加上仲要覺得間房有D焗既感覺.........
佢仲要冇人性冇唔放break一直踩4個鐘=.="
唔係講少攪到最後果個幾鐘真係有D頭暈=.="
好彩我坐第一排咋如果坐後面可能一早已經死左=.="
去到5點半終於落堂嘩命都冇=.="
係我執堅野既時候唔知幾時方包坐左係我隔離=0="
原來佢上完leacture冇野做過黎探下我哈哈,
其實佢目的想用我acc print野=.="
可惜佢冇帶到紙奸計幻滅呵呵,
之後我再行左過去Curtin Book Shop到,
好耶啦呢D鐘數過黎得果小貓幾隻,
我lunch經過果時見到排隊排到人山人海=.="
入去買書用丫要買5本又冇左4舊幾水=.="
買完好重丫快手番屋企啦=0="
大佬本本成千頁想點真係玩野.........
番到去好攰丫一黎上左堂跟得勁辛苦既Econ,
二黎托左成幾千頁紙既書行路番去=.="
坐低開機咩都唔想做啦真係死得=.="
睇下D書law發現左樣新奇野,
原來我本Acc exercise個作者係教我Acc條友@@
又係梁文波果招自己學生用自己出本書........
hea左陣都食得晚飯真係幾攰下,
食完番房包下書咁啦邊包邊MSN,
結果幾個鐘先包得兩本哈哈,
不過我總數先得5本由佢啦冇所謂,
去到12點幾好攰好想訓,
但係諗到我聽日要番去CIC print notes,
之後拎番屋企本番字典溫番書同埋睇番今個Econ一次,
所以迫於無奈堅持住上網download左頭2weeks既notes落黎,
之後整理左我一大輪時間去到成2點幾先攪掂=.="
抄晒落手指聽日仲要去買A4紙番去print唉..........
依家都已經就黎3點鐘啦真係超攰係時候去訓~~~~~~
PS 聽日後日day off要做revision得黎,
仲要今日第一日Econ就有勁多功課=.="
條友真係當我地個個大學生咩=0="
問題我真係要睇番一次今日D notes同書,
先可以做到佢D功課@@ | | |
|
|
« | 168 | 169 | 170 | 171 | 172 | 173 | 174 | 175 | 176 | 177 | ... | 398 | »
 
|
